O venres 22 de xuño, Compostela foi escenario dunha das citas musicais senlleiras do ano. E non foi o bolo de Björk na Cidade da Cultura. A islandesa cumpriu o frío guión e os fans gustaron. Mais o que realmente fervía na cidade era a praza de Santo Agostiño. Alí mora O Leo e na súa casa reuníu unha trintena de amigxs e gravou o seu terceiro traballo para abraio de veciñanza e turistas. GZmúsica estivo aló...gravando desde o poleiro.
Terceiro disco...e iso que do segundo aínda non se sabe nada! Para desesperación de wikipedistas e amigxs da clasificación, O Leo e familia non obedecen os ordinais nin lóxica ningunha, mais si que seguen a saber largar lostregazos punk no medio da poesía haicú. Con Juan de Liska e Ovos Podres á batería e Marcos Payno no son, o de Matamá gravou dunha tirada, sen ningún tipo de ensaio previo e coas colaboracións de García mc e As Piconas do Irixo, un disco que logo ha estar dispoñible na rede. O contido: moitos dos temas que levou nas súas actuacións ao longo do país nos últimos anos e algunha novidade para os que o imos vendo de ano en ano, mais que semellaba coñecida polxs máis fans. Aquí vos deixamos os 10 minutos finais. Había xente gravando o concerto a varias cámaras e con mellor calidade, material que imaxinamos que subirán á rede nas vindeiras semanas, andade atentxs!
}
}
}
}
}
}
}
}
}