A Caravana de Emerxencias vén de ter a súa primeira parada en Compostela. Celebrouse o pasado xoves 4 e a novedosa iniciativa de Chotokoeu, The Skarnivals e Skarallaos foi un éxito de público. Apadriñados polos Swingdigentes, as bandas fixeron gozar os asistentes e, polo que puidemos saber, estes agradecérono á saída, onde coas súas achegas posibilitaron que a experiencia fose un éxito. Pois que veñan máis! Crónica e fotos de Lety GF no interior do artigo.
O pasado xoves 4 de abril achegámonos ata Compostela. A sala Capitol acolleu unha nova iniciativa, que ata o de agora nunca se vira nas salas do país, mais si nalgún festival, como o Fiestizaje, de Vilafranca do Bierzo - tamén coñecido como festival de gorra-, non só porque o acceso sexa gratuíto, senón porque pasan unhas gorras pola zona de acampada, para que os seareiros pidan apoiar se é a súa
vontade o festival, e sexa posible a súa continuidade. Esta caravana parte como experimento para probar esta fórmula en sala. Polo tanto a entrada foi de balde e o prezo púñano os asistentes ao rematar o espectáculo. Esta idea trouxérona os presentadores do festival, os madrileños Swingdigentes, acostumados a facer espectáculos de gorra nas rúas. Contaron coa colaboración de 3 bandas emerxentes galegas. Os buenenses The Skarnivals e os coruñeses Skarallaos e Chotokoeu.
Cando chegamos á porta da sala, xa había unha morea de xente a esperar que abrisen as portas, falando, bebendo, etc. A verdade non lembro nos últimos anos atopar tanta xente na porta da sala. 
Cando entramos, os presentadores, Swindigentes, xa estaban montando festa nun pequeno escenario improvisado baixo o lado dereito do escenario grande. Despois foi a quenda de The Skarnivals. Estaba banda formada por 10 compoñentes comezaron o concerto con "Crónica de una revolución anunciada". E durante o concerto amosaron desde os primeiros temas, como poden ser "La mala reputación", "Ni chicha, ni limoná", "La guasa civil" ou "Deskiciadamente" ata algúns dos últimos como "Barman", "lamas Condenadas" ou "Tontón Macute". Para rematar, "Historias do mar" e "Pensando en galego".
Para amenizar o cambio Swingdigentes voltaron ao escenario improvisado, mentres Chotokoeu se ían 
preparando. A banda comezou "Transxénica" para seguir con "Tashkäl". Tamén tocaron entre outras "Siéntete libre", "Ortigueira", "El grito" ou "Terrorista", nos que amosaron a súa mistura de diferentes estilos, ska, reggae e rumba. Chegou a súa fin con "O ritmo que bailas" e "Alibabá" na que o malabarista da banda metía algo máis de tralla incluíndo algo de Drum'n'Bass desde os pratos. E co remate duns, a reaparición doutros. Non fose ser que os Skarallaos quedasen sen presentar.
Estes cinco rapaces entraron con forza. 
Cantáronlle ao "Cacique", á súavila, "Culleredo·, as ganas que teñen de "Volar" e ao "Traballo temporal". A medida que avanzaba o concerto, os ritmos e a festa ían subindo, "Menú del día·, "Mentía", "Calypso", "Sin fronteras" e para rematar unha que todo o mundo coñecía, "Bella ciao".
Agora só queda saber como foi a iniciativa. Oxalá fose ben, posto que a sala estaba chega e teñamos máis oportunidades de gozar de máis espectáculos "de gorra".
Crónica fotográfica dos concertos
{artsexylightbox picasaUser="gzmusicaweb"picasaAlbum="caravanaemerxencias"}{/artsexylightbox}
Crónica e fotos: Lety GF
{fcomments}
}
}
}
}
}