O venres 13 de marzo, dúas das mellores bandas de rock galegas do momento, Dakidarría e Nao, deron un concerto na Capitol. Dentro do seu GZ Tour De cuncas e de mar, os do Val Miñor convidaron os Nao para ofrecer un concerto memorable. Até aló foron Lety GF e C. Gende, para nos traer este resumo. Fotos, vídeo e crónica do que alí aconteceu.
O pasado venres 13, deixando a un lado as crenzas dalgúns países occidentais, pasamos completamente do día da mala sorte dos iankis, non só porque non creamos nestas cousas senón porque á parte en estados como España ou Grecia son máis de martes 13. Así que xa cara á tardiña algúns gzmusiqueir@s collemos de mochila e achegámonos a Capitol, previo viño con tapa no Piorno, por iso de que cadraba de camiño. Dakidarría achegábase até Compostela para presentar na cidade de Prisciliano -eu diría máis ben vila algho ghrandiña- a súa xira "De cuncas e de mar". Como xa moitos sabiades, ben fose polos cartaces, polas redes sociais ou porque vistes o último programa de Gzmusica TV, viñan acompañados polos Nao.
Desta volta tamén vimos moitas camisolas de Nao entre o público, máis non tantas como na Candeloria. Nao amosáronos unha vez máis temas do seu último disco e dos anteriores. Coma é habitual escoitamos letras deles, de Zeca Afonso -coa que se non lembro mal pecharon o concerto- e non deixaron de berrar Venceremos nos!!! Mais desta vez non só invitaron a colaborar á cambadesa Paulinha na canción "Je veux", na que tamén colabora no EP de "Cartas no caderno". Por certo, canción que invito a que descubrades se non a coñecedes, tanto esta cover coma a canción orixinal da francesa Zaz. Desta volta tamén os acompañou a vilagarciá Patty Castro. Seguramente moitos de vos a coñezades por ser a exvocalista do grupo Meigha, outr@s coma min pode que o primeiro contacto que teñades dela sexa por ser a impulsora e coordinadora do proxecto Mulleres Galegas Kañeras. Se non o coñecedes podedes ollar os vídeos que fixeron tras o Verkami.
E xa que falamos de Verkami... seguimos co tema. Os protas da noite tamén fixeron un, que rematou en xaneiro. Mais estes fixérono para regravar algúns dos seus temas en castelán en galego. E é unha colaboración co colectivo humanitario Que voltem a casa, que defende os dereitos d@s pres@s independentistas galeg@s. Pero mellor que volo conten eles.
Mudando de tema o que atopamos neste directo foi algunha que outra cara nova entre tanta coñecida, cando menos para as que vai perto dun ano que non cadramos nun directo desta banda.
Os ventos Juaqui e Anxo agora van acompañados por Beler ao trombón. A batería Maki, que a algúns xa vos soará por outras bandas como Obrint Pas. E o baixo entrou Isra "Ligre". Coma sempre á fronte das voces e as guitarras están Gabri e Simón, e un pouco máis escondidiño dándolle as teclas Carlos. As cancións xa por tod@s @s seus seguidor@s coñecidas daban fin -como era de supoñer polo nome da xira- coa canción "Terra", na que retomaron o escenario Jasper o cantante de Nao e tamén visitou Garcia MC. Supoño de todas estas colaboracións veredes algo no vídeo que está a montar o compa C. Gende.
Aquí tedes todas as fotos...
{artsexylightbox picasaUser="gzmusicaweb" picasaAlbum="nao_dakidarria_capitol"carousel="true" carousel_visible="4"}{/artsexylightbox}
E aquí un pequeno vídeo resumo
TEXTO: Lety GF
FOTO: Lety GF
Vídeo: C. Gende
{fcomments}
}
}
}
}
}
}
}
}.jpg)
}