Sondarúa, Hugo Guezeta e Álex Arnoso, veñen de presentar novo EP, Liberando mentes. 5 temas poderosos que manteñan a liña incisiva nas letras á que nos teñen afeitas, desta volta con producións do propio Álex Arnoso e de Peter Petrowski que lles souberon dar a contundencia e ritmo preciso as palabras afiadas que saen da libreta do Hugo. Os dous de sempre facendo temóns, cantan no primeiro corte do EP, Os dous de sempre, e non lle andan lonxe. Dálle unha escoita a novo de SonDaRúa e vai aprendendo os temas, que o 13 de abril presentan en Vigo e o 28 en Pontevedra, no Galegote Rock.

Ponteareas, Pontaka, Ponte Areias, capital do Condado e do hip hop do sur do país. Desde alí chegan SonDaRúa, que en apenas un par de anos se están a facer un oco no panorama musical galego. Nestes tempos de efervescencia do rap en galego -A nosa sección de Vídeos leva publicado 15 clips de bandas de hip hop en 2018- o que até hai 7 ou 8 anos era algo puntual comeza ser o estilo máis vizoso da música galega. Un feixe de novos e novas Mcs, unidos a grandes nomes daquelas primeiras fornadas como García Mc, Malandrómeda, Wöyza, Sokram,... auguran un futuro produtivo para o rap galego. 

E desde logo, SonDaRúa vai ter moito que dicir neste futuro a curto prazo, pois con este EP veñen confirmar que isto vai alén dun par de temas con boas rimas. Ademais, a man de Petrowski na produción do tema que dá nome ao disco e dun remix de Estilo combativo engade novos matices nas bases, máis alá das producións de Álex que empatan co estilo do que tanto gostaramos na primeira maqueta do Hugo Guezeta. Os scratches volven ser cousa do Uxío e a gravación, mistura e masterización do traballo realizouse nos Estudios Mans da Coruña.

Escóitao no Spotify ou neste vídeo onde están os 5 temas do EP. E se queres ir miralos ao vivo, apunta dúas datas neste mes. 13 de abril, sala Doppler en Vigo. 28 de abril, Galegote Rock en Pontevedra.

TEXTO: S. Murias

 

 

 

Vindeiros concertos

509876189_10230916347153721_3948392432811616990_n.jpg }18 Xul 2025
Arcanxo Festival
A Freixa, Ribadetea (Ponteareas)
505730770_701615615968914_5953417164543691660_n.jpg }18 Xul 2025
Birra e Rock Fest
Viloira (O Barco de Valdeorras)
515515214_1170789691758376_3085820737076332785_n.jpg }10 Xul 2025
Festas do Carme e da Fraga
As Pontes
518189119_10161549287585913_4512005532571892503_n.jpg }17 Xul 2025
Festas do Verán
Taragoña (Rainxo)
499069557_18149910061372580_2325621744418800231_n.jpg }18 Xul 2025
Festival Rock & Dorna
Ribeira
518704769_1301374265321750_2581936354341769028_n.jpg }18 Xul 2025
IV Festival de Verán
Alameda da Ponte - Bembrive (Vigo)
504015382_18077303962868833_203666632935925438_n.jpg }18 Xul 2025
Terra Festival
Palco da Música - Moaña
504100114_18313390825237107_3489199712558236942_n.jpg }18 Xul 2025
XIII Festival Aturuxo
Bravos (Ourol)
518274934_1299043441784076_6638360490589661550_n.jpg }18 Xul 2025
XXIV Festa do Viño de Meaño
Praza do Concello - Meaño
514335076_1257553392826807_2482264362277661206_n.jpg }18 Xul 2025
XXXIII Feira do Viño do Rosal
Praza do Calvario - O Calvrario, O Rosal (O Rosal)
Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.