Os Vacalouras veñen de subir ao bandcamp o seu segundo traballo, o EP Eres punki i non o sabes. O disco foi gravado en xullo do ano pasado e para celebrar que levan vendido xa máis da metade da tirada física, agora soben á rede 5 dos seus temas, que podes escoitar e descargar de balde. Só hai que asistir a un dos seus concertos para entender que Os Vacalouras son unha banda de directo, mais paga moito a pena tamén escoitalos enlatados. Punk sen complexos, pingas de ska, irreverencia e un pouso moi rocanroleiro pairando por todo o disco. Puro Pataca'n'roll. Dálle unha escoita!
Punk de toda a vida, Las Gaviotas Asesinas, A Señora Maruja, rock con actitude punk, Desbrozadora, Hoxe durmes co can ou o ska-punk-rock d'O show da bañeira. Música non apta para ben pensantes e persoas politicamente correctas.
Desde osvacalouras.bandcamp.com podes descargar de balde 5 temas. Por 3€ accedes á descarga do EP completo, os cinco temas máis unha intro, un bonus track e o libreto. E lembra que se o prefires, podes mercar a edición física nas tendas de música do país ou nos concertos da banda.
{fcomments}
}
}
}
}
}
}
}
}
}
}