A canción dos Sonoro Maxín, un dos participantes na noite, foi premonitoria. Non quero un paraugas, non quero, eu quero un chuvasqueiro amarelo. Porque co paraugas non hai quen baile e onte en Calo as 2.000 persoas congregadas na primeira xornada do Música na Noite tiñan ganas de bailar. Hoxe ha continuar a festa, coa xornada dedicada á música tradicional, onde destaca a presenza dos Cempés, embarcados na súa xira de retorno, 20 anos despois do seu primeiro concerto aló polo arredado ano 1992.

 

Polo escenario ubicado en Solláns, na parroquia teense de Calo, pasaron os locais Deseqilibrio Mental, os mexicanos Mighty Calacas e dúas das bandas galegas con mellor directo, O Sonoro Maxín e A Compañía do Ruído. Todo aderezado coas intervencións intergrupos da familia Arremecághona, que segue a medrar creando xa serio risco de que O Leo pase a ter problemas de personalidade múltiple. Até as 4 da mañá aguantaron afoutos os seareiros o orballo da noite bailando ao son das músicas emerxentes do país.

E hoxe máis. Os grupos locais están representados esta noite pola banda Os Devotos do Folclore, charanga festeira con músicos máis que experimentados no ámbito da música tradicional, que armarán festa desde as dez e media da noite. Muiñeiras, xotas, pasodobres, rumbas e foxtrots traerán a continuación os membros de Vai Rañala!, procedentes do “sector máis trouleiro da Escola de Instrumentos Tradicionais Manuel Lorenzo Barxa”, e que recollen a parte máis festeira do repertorio tradicional. Desde catro portos de mar chegan, máis tarde, Taghaitaí. Lola de Ribeira, Edelmiro Fernández, Iván Costa e Manolo Maseda, “catro vellos mariñeiros” embarcados nunha foliada que durará o que o corpo aguante. E, para pechar, a actuación estelar da noite: o retorno de Os Cempés, co seu repertorio máis coñecido e coa presentación do seu novo traballo discográfico, Tentemozo, co que celebran os seus vinte anos nos escenarios. Polo medio, o brasileiro Homen Banda, un auténtico home orquestra, vai amenizar a noite tocando arredor da cantina.

Vindeiros concertos

476273872_1152286313567838_1708389632655402870_n.jpg }18 Feb 2025
09:30PM -
Macarena Montesinos e Pablo Seoane
Camalea - Santiago de Compostela
477402614_1185266470203710_7977429568347655330_n.jpg }19 Feb 2025
08:15PM -
A Banda da Loba
Praza de Santa María - Lugo
474974025_18485214835009186_7120468407818040277_n.jpg }21 Feb 2025
Chío
La Pecera - Vigo
476805090_587340450804143_5583935353911474433_n.jpg }21 Feb 2025
09:00PM -
Interestelares
A Talangreira do Beque - Moaña
475146140_18391998574102696_5464034205681686374_n.jpg }21 Feb 2025
10:30PM -
Trapallada
Café Lanzós - Betanzos
474951592_1174584754290093_4160713631244036660_n.jpg }22 Feb 2025
Festival Emigrason
La Madeleine Salle 1180 - Bruxelas (Bélxica)
INFERNO_IX_ANIVERSARIO_CARTAZ.jpeg }22 Feb 2025
IX Aniversario Inferno
Sala Malatesta - Compostela
478669535_994509202737873_1941685223253567924_n.jpg }22 Feb 2025
01:30PM -
Grampoder
Ho Gruf - Lugo
475173796_1042957011181943_4471462438622994758_n.jpg }22 Feb 2025
06:30PM -
Sábado Gordo do Entroido
Goián (Tomiño)
477554374_18112536031455064_3340340011199164068_n.jpg }22 Feb 2025
07:00PM -
Bestas
Sala Real - Aguiño (Ribeira)
Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.