2 días de concertos, 13 bandas sobre os escenarios, 60 voluntarios/as, 600 camisolas, 3.000 racións de sardiñas, zona de acampada para 800 tendas, 15 euros o bono para os 2 días e unha sorpresa montada nun Avia...Chega a fin de semana das Revenidas e GZmúsica estará alí. Neste artigo tedes toda a info precisa para coñecer o que se está a argallar para mañá, sexta feira, e pasado, sábado, en Vilaxoán de Arousa. Música, solidariedade, gastronomía e bo ambiente á beira do mar da Arousa.
Se lle preguntas a algún ou algunha das grandes festivaleiras que hai no país cales citas non se perdería baixo ningún concepto, hai unha serie de nomes que sempre saen. A Festa da Carballeira en Zas, Pardiñas, a Festa Folc de Vilariño,...e As Revenidas! O festival arousán conseguiu en poucos anos se converter nun referente obrigado durante o mes de xullo. E todo arredor das revenidas, nome que reciben na comarca as sardiñas salgadas e posteriormente asadas na grella. Até 800 quilogramos delas hanse comer esta fin de semana no festival. Pero ademais de música, cun dos mellores cartaces do verán no país, e gastronomía, As Revenidas van ser solidarias pois recadarán fondos para a poboación saharauí nunha haima que se instalará no festival. Haberá actividades de balde, cos Trópico de Grelos, Os Terribles de Arousa ou a Gala do Circo, pero este ano para poder ter sobre o palco a bandas da categoría de DKTC, Os Cempés, Skatalites ou Esne Beltza, a organización decidiu cobrar unha entrada. Na billeteira o prezo será de 15€ o bono e 10€ o día solto, adaptándose ademais así as polémicas condicións que marcou o AGADIC para os festivais poderen acceder as súas axudas.
Os horarios das actuacións son os seguintes:
Venres 20 de xullo
Apertura de portas: 21h
No escenario pequeno:
- Borderline79. 22h
- O Leo. 23h45
- Terbutalina. 01h30
- DZ Selector. 03h15
- Quique Otero. 04h45
No escenario grande:
- Guezos. 22h30
- Mighty Calacas. 00h15
- Dios Ke Te Crew. 02h00
- The Booze. 03h30
Sábado 21 de xullo
Apertura de portas ás 21h30
- Os Cempés. 22h30
- The Skatalites. 00h00
- Esne Beltza. 01h45
- O Sonoro Maxín 3h15
- DJ Gadje. 04h30
}
}
}
}
}
}
}
}
}