Con motivo de animar á xente a saír á rúa o 8M, A banda da Loba saca este vídeo de "Morra o conto", tema incluído no seu segundo cd "Fábrica de luz", no que están acompañadas por oito artistas representativas de gran parte dos estilos musicais que se fan en Galicia: Guadi Galego, Patty Castro, Sofía Espiñeira, Nastasia Zürcher, Mounqup, Lola de Ribeira, Anaïs Barbier e High Paw. Amizade, sororidade e música en sentido universal! Escachemos os espellos rachemos as ataduras unamos as voces coma se fósemos UNHA. Que MORRA O CONTO! Asaltemos as rúas! - Audio gravado e mesturado en Estudios Abrigueiro (Arturo Vaquero) * Colaboración de Adrián Saavedra na gravación dalgunhas voces - Vídeo de Seispés Producións Creativas - Letra inspirada no poema "O talle 50", de Andrea Nunes Brións, recollido en "Todas as mulleres que fun"