O dúo musical Minguante visita as Torres de Altamira en Brión co seu tema “Os gatos máis tolos de París”. Unha historia que converterá estas ruínas medievais no escenario dunha canción de amor. Ou máis ben de desamor. De sentimentos que perduran inesquecíbeis ó paso do tempo. Un percorrido por un espazo que sobreviviu a máis de cinco séculos de historia. E que continúa sendo, un lugar presente no día a dia de todas as veciñas e veciños do Val da Mahía que fixeron desta fortaleza parte imprescindíbel do seu #PatrimonioInMaterial.