Juanito naceu en novembro de 2015 coa síndrome de Down. A banda da Loba (ABDL) escribíulle e compúxolle esta canción: “Tres en raia”, que agora dedican a todas as persoas con Síndrome de Down. O videoclip gravouse na Fundación Down Compostela e presentouse na gala que organizamos o 21 de marzo de 2018 para conmemorar o Día Mundial da Síndrome de Down e o noso 21 aniversario. A canción forma parte do primeiro álbum de ABDL: “Bailando as rúas”. A banda da Loba cedeulle a Down Compostela este vídeo, realizado de forma totalmente altruísta por Seispés Produccións Creativas. Desde Down Compostela só nos queda dicir: GRAZAS, GRAZAS, GRAZAS.