Aquí tedes o single adianto de "Jard Rock con Fe", o novo disco dos Heredeiros da Crus despois de varios anos de parón e dez anos sen publicar novo material. A presentación do novo traballo, o noveno da súa andaina, dos Heredeiros  será o vindeiro venres 24 de maio na sala LP45 de Ordes. O que será o noveno álbum na carreira discográfica de Heredeiros da Crus titularase Jard Rock con Fe e manterá intacto o espírito roqueiro e gamberro que iniciaron os de Ribeira hai xa máis de 20 anos: letras irreverentes, linguaxe desenfadada e 100% galega e, sobre todo, moito, moito rocanrol.