A creación audiovisual desta canción, incluída no último álbum de Ith “O mínimo que o contén todo” (2018), correu a cargo de KAITO Estudios da Coruña e foi producido integramente polo grupo que forman Lucía, Miguel, Folgueira, Gonzalo e Toxo. Nela amósase a hipocrisía desta sociedade que abandona á súa sorte a moitos seres humanos que, buscando refuxio, auxilio, amparo e unha vida mellor, acoden ao vello continente. Retrata, ao fin e ao cabo, un problema social e político de total actualidade que é necesario solucionar xa.