Presentación de Ribeira Sacra no Teatro Principal de Ourense (Xuño 2018)

O tempo do Entroido ten unha grande importancia e influencia social na comarca da Ribeira Sacra. De entre as moitas tradicións e manifestacións que existen destacan polo seu enraizamento e vistosidade a dos “Felos” de Maceda e de Esgos, que aínda co mesmo nome, tanto no traxe como na expresión tradicional son ben diferentes.

Nós quixemos facerlle unha homenaxe musical con este tema inspirado no son das súas chocas e dos seus esquilóns. A primeira parte é un pasacorredoiras que o etnomusicólogo americano Alan Lomax recolleu do gaiteiro ourensán Modesto Fraga e a segunda é unha danza composta e pensada no Entroido e nos seus sons.

Colaboracións

Nani García – ARRANXOS ORQUESTRA

Brais Maceiras – ACORDEÓN DIATÓNICO

Bieito Romero Diéguez – GAITA GALEGA

FELOS DE ESGOS E MACEDA