As irmás Juana, María, Manuela e Maruxa Lema Santos xunto coa súa curmá María Lema Vigo, alá polo ano 1952 nunha parroquia de Corcubión, cantábanlle a Alan Lómax unha copla sobre o fermoso monte Pindo, alcumado “olimpo sagrado dos deuses celtas” polos historiadores románticos do país. Os d’Abaixo axudamos á letra dende a música nesta homenaxe ao Pindo, aos ciclos da vida, e á liberdade da muller, que danza libre desobedecendo ás linguas marmuradoras e fuxindo dos estereotipos que a someten dende o inicio dos tempos.