ARIFI, é un proxecto de músicas de raíz/fusión, de recente creación. Aínda que nace en Galicia, a banda está formada por músicos de moi diversas orixes de procedencia como Venezuela, Bielorrusia e diferentes cidades de Galicia, a parte de contar con colaboracións de músicos de terras mediterráneas, como Ramy Malouf, flautista libanés. E é cara a este mar, o Mediterráneo, ao que mira a música de Arifi, xa que fusionan músicas de raíz, prestando maior atención ás músicas do norte da península, con ritmos e sonoridades árabo-andalusís e outros ritmos máis actuais, a parte da creación de temas propios.
O grupo está a recibir unha moi boa acollida entre o público e crítica e con tan só un ano dende a súa presentación, xa actuaron en salas, festivales e teatros da península (Teatro de Barakaldo, Sala Altxerri Donostia, Centro Niemeyer Avilés, Festival Bugo Jazz, Noite Branca Vigo, etc). A clave do seu éxito está na orixinalidade do proxecto, a atractiva sonoridade e a posta en escena onde a danza oriental/fusión ten unha presenza importante.