Dakidarría quenta motores para o 2014. Despois do seu paso polo Castañazo Rock en novembro, preséntannos agora o videoclip de '1000 berros' que gravaron ao vivo en Chantada. Sairá o día 16 de xaneiro mais xa subiron á rede un adianto e a cousa promete. Ademais en febreiro comezan en Vigo a segunda xeira de datas de '10 anos da rúa', xira que os levará por todo o estado festexando o décimo aniversario da súa andaina.
Estrea de '1000Berros', 16 de Xaneiro
Tras a gravación o pasado mes de novembro no Festival Castañazo Rock (Chantada), do novo videoclip de Dakidarría en directo, toca presentalo. Trátase dun tema tirado do seu álbum “Realidades alienantes…”, o '1000Berros' e a estrea será este mes de xaneiro, concretamente o xoves 16. Como anticipo, adiántannos un breve teaser.
Primeiras datas confirmadas para a xira “10 anos na rúa”
Dakidarría retoma a xira de celebración do seu décimo aniversario, a cal finalizará este ano para dar paso a novos proxectos na traxectoria da banda. Como avance, confirman as primeiras datas de “10 anos na rúa”
- 15 febreiro - Vigo - Sala Master
- 14 marzo - Salamanca - Irish Rover
- 15 marzo - Madrid - Sala Hebe
- 25 abril - Murcia - Garaje Beat Club
- 26 abril - Valencia - Sala Ágora Live
- 23 maio - Catalunya
- 24 maio - Catalunya
{fcomments}