O pasado domingo 16 de setembro, o Aturuxo de Bueu foi a segunda paraxe da Xira Bruta. Martelo, un trío de rock galego de nova factura, presentábase diante da parroquia roqueira do Morrazo. Convenceron cunha proposta de calidade que trae arrecendos diversos ao rock americano de distintas épocas. GZmúsica estivo aló. Aquí vos deixamos vídeos e fotos do concerto.
Arredor de 50 persoas, -fican lonxe os tempos en que as bandas enchían salas con facilidade-, gozamos coa segunda entrega da Xira Bruta, tour de apresentación desta nova formación. Xacobe Martínez Antelo, ao baixo e á voz; Manuel Cebrián á guitarra e Max Gómez á batería compoñen Martelo. Banda que malia a experiencia jazzística dos seus integrantes realiza un power rock contundente. Moitas semellanzas con Rage Against The Machine ou Red Hot Chili Peepers na súa sonoridade. Tamén relembran a Hendrix, nomeadamente cando o protagonismo recae na guitarra de Cebrián. Pero desde logo, o que sorprende moitísimo é a calidade e mais a conxunción entre os músicos nunha banda que leva só dous concertos na súa cortísima vida. Estamos diante da revelación da música galega deste ano? Xulgádeo vós...
Un outro vídeo da súa actuación no Aturuxo:
E coma sempre que nos achegamos polo Aturuxo, o Xabicas deixounos unha colección de fotos impresionantes:
{artsexylightbox picasaUser="gzmusicaweb" picasaAlbum="MartelonoAturuxo"}{/artsexylightbox}
texto: lavesedo
fotos: xabicas
}
}
}
}
}
}
}
}
}
}