A pasada fin de semana vendo o paradiño que estaba o panorama de espectáculos musicais pola comarca morracense, decidin tirar de internete, e din coa solución! A web do aturuxo! Un grupo que viña dende Andalucía e dicían facer bossreggae, rocksteady e calypso...esta era a miña!
Así que o domingo 19 de maio alá fomos. Viramos cara ao outro lado da península do Morrazo despois da gravación do noso programa de TV. Achegámonos a ver estes granadinos. Para os que non os coñezades Red Soul Community nacen no caluroso veran do 2005. Os fundadores de Los Dingos deciden rematar esa etapa e comezar renovados un novo proxecto. Nese ano sonaba o tema Moon Hop de Derrick Morgan sobre un plato de vinilo na cidade de Granada. Aos pocos minutos nacía o primeiro tema de Red Soul Community. No primeiro ano de vida, orientáronse á construción de boas cancións e mais a definir un estilo propio. Un encerro creativo que deu como resultado a súa primeira demo de nome homónimo. Cinco anos despois, cando xa acompañaran nos escenarios a Mr Symarip e Chris Murray, participaran en numerosos festivais e percorreran parte de Europa, nace o seu primeiro LP "What are you doing?". Mais desta vez, os granadinos achegábanse a Galiza para presentar o seu novo disco "I never learn" .Voltando o q iamos... o concerto na sala Aturuxo de Bueu. Case, case, unindo as probas de son co concerto, a banda comeza a tocar para unha sala con máis ben poucos asistentes, pero entre os que se atopaba ata algún que se achegou dende Compostela. Mais a pesar de non ser moitos os que alí nos atopabamos, si se respiraba un moi bo ambiente. Á parte dos temas "I ain´t ready", "Say you care", "The day has come" e "Anymore" que podedes atopar nos vídeos que vos trouxemos. Tamén nos amosaron outros como "Addicted", "Spanish bombs", "What are you doing?", "I never learn" (podedes escoitalo un pouco máis embaixo, mentres vedes as fotos) e ata unha versión do coñecido "These Boots Are Made for Walkin' " que cantaba Nancy Sinatra e tantas veces reinterpretado.
Se cabe destacar algo da banda, a parte do ben que soan non só en disco se non tamén en directo (o son dos vídeos que vos trouxemos non lles fai xustiza), é a graza do teclista Carlos Dingo para facer máis ameno calquera imprevisto, como pode ser o cambio dunha corda dunha guitarra que racha a medio concerto, o bo rollo que transmite Nano Díaz dende a súa batería, os coros cos que acompañan Fede Castro e a súa guitarra, a expresividade de Labase Martínez, que semella estar conectado coas notas que saen do seu baixo e a estupenda voz de Isabel García, non vou dicir que é a de Pauline Black, pero dende logo tampouco ten que envidiarlle, sobre todo no directo. Alegroume ter ido a este concerto, e sobre todo dar cunha voz principal femenina á fronte da banda, posto que non son moitos (máis ben pouquiños de todo) os grupos na escea do rocksteady, ska,two tone ou calypso que teñan voces femininas levando o temón.
Se queredes velos por estes lares teredes que esperar a que editen un novo disco, posto que é cando deciden xirar por todo o territorio do estado para dalo a coñecer, ou contratalos para algún festival. Xa que pode ser que polo ben que comemos na Galiza, ou pola sorpresa que pode ser ver neve no mes de maio (e mais tendo en conta que veñen do sur), pero queren voltar por estas terras.
Se queres, coas iconas dos recantos superiores da presentación de fotos, podes escoitar o tema que da nome o último disco da banda e/ou ver as fotos en pantalla completa. E se non vos chegan estas fotos, botádelle unha ollada no Facebook do noso fotografo favorito, Xabicas, que están moito mellor!
Aquí tedes tamén algún vídeo:
Texto, vídeo e fotos: Lety GF
{fcomments}
}
}
}
}
}
}
}
}
}
}