Os D`Callaos estiveron no Atu hai uns días. Os cataláns non esqueceron a súa cita con Bueu nesta xira 10º Aniversario e Lety GF non perdeu a súa visita e tráenos agora esta reportaxe. Crónica, vídeo e fotos do concerto dos D'Callaos no Aturuxo de Bueu, o pasado 14 de novembro.
Aínda lembro a primeira reportaxe que fixen dun grupete granadino de rocksteady que veu ao Aturuxo de Bueu, e que polo meu antollo se viron obrigados a crear un novo apartado nesta web, Internacional. Xa caeu algún que outro chuvasco dende aquela e resulta que agora teño esa pestana máis que esquecida.
Velaí que aproveitei e o 14 de Novembro e achegueime unha vez máis até o Aturuxo de Bueu. Xa pasamos a mañá na vila vendo a entrega de premios da primeira edición da maratón fotográfica de San Martiño organizada pola rede Argo Navis, e descubrindo un novo local para comer aló con estes argonautas.
Pola noitiña voltamos unha vez máis ao Aturuxo e un novembro máis a ver os D´Callaos. Vai uns anos facían máis paradas na Galiza, pero a día de hoxe a única localidade fixa no seu paso polo país é Bueu. Así é que un ano máis a sala estaba ben ateigadiña xa dende primeira hora. Tanto é así que a parte dos, ou máis ben as, habituais seareiras, morracenses (na que se notaba a falta da rumbeira buenense pero incluída algunha concelleira de cultura), como non os seareiros non do grupo, se non do "atu", redondeláns, vascas que adoptamos na Galiza dende hai anos e tamén tropezamos con algunha persoa que baixou a propósito dende A Coruña para este concerto. E pouco máis que dicir... porque non sei moi ben como facer unha crónica obxectiva e o compañeiro non se animou a facer unha crónica vista dende un punto de vista neutral.
Aquí vos quedan unhas fotiños por se queredes coñecer o novo compoñente da banda, e un vídeo no que podedes comprobar que o público estábavos ben animado e cantando unha canción tras outra.
FOTOS DOS CONCERTOS
{artsexylightbox picasaUser="gzmusicaweb" picasaAlbum="DCallaosNoAtu"carousel="true" carousel_visible="4"}{/artsexylightbox}
VÍDEO RESUMO
Texto, fotos e vídeo: Lety GF
{fcomments}
}
}
}
}
}
}
}
}
}
}