Voltamos máis un ano ao Morrasound. Bo ambiente, mellor música e as ganas de sacar un festival adiante da xente da Asociación Sociocultural Fontenla, coas que non poden nin a chuva nin as treboadas. Aquí vos queda un bo feixe de vídeos de Martín Rodas acompañados dunhas letras de S. Murias para vivirdes (ou revivirdes) o que aló se coceu.

Desta vez o rock desembarcaba na casa, e achegamonos ata Moaña para desfrutar da festaza que os compañeiros da Asociación Cultural Fontenla tiñan preparada para a 4ª edición do festival Morraosund. Alí atopámonos con dous días de boa música, unas vistas privilexiadas da ria e este ano con circo como novidade.

Os encargados de abrir o festival foron os Lelli Kelly´s, xogaban na casa e saíron a gañar, un concerto cheo de enerxía e ritmo electrizante co que fixeron vibrar aos seus veciños.

Seguiron repartindo caña os Kings of the Beach, no que foi o seu segundo concerto no país tras a súa xira por México.

Puña o peche dos concertos a mítica banda o Funkillo, quen repasou os grandes exitos da súa carreira co seu novo formato.

O sábado amencía co peor prognóstico posible, a choiva establecíase no mirador da Fontela e ameazaba con quedarse, isto supuxo uns cambios na programación pero non desanimou aos festivaleiros ali presentes con ganas de festa. Baixo a chuvia tocoulles tocar aos vigueses Spoonful coa súa mestura de blues e hard rock dos 70, e a agardada Lou Reyes Band co seu Rock¨N¨Roll ranchero, cun publico entregado que movíase baixo unha capra de escenario en escenario guiados por Petter Punk.

Mentres a choiva persistía nas carpas do festival tiñan lugar as actuacións de circo de Patty Diphusa e Piscore, ata que por fin abriu e podemos desfrutar tamén das acrobacias de Kanbahiota troup e do concerto de Yo Diablo

Xa co tempo a favor subiron ao escenario principal os Familia Caamagno, con novo espectáculo cheo do rock ao mais puro estilo caamagner, que non deixa a ninguén sen brincar, no que pode ser un dos mellores directos do pais nestes momentos.

O Rhythm and Blues de The Limboos fixonos continuar coa festa, cunha música instrumental que se mete no corpo e non podes evitar seguir cos teus pes.

Coa chegada da noite subían ao escenario un dos cabezas de cartas do festival, os ingleses The Brew, cunha larga traxectoria e mais de 10 discos as súas costas, puxeron a rockanrolear aos asistentes a este Morrasound.

Recollendo o testemuño de The Brew voaban dende Canarias Los Vinagres cun rock valcanico con matices de verbena e moi bo rollo.

A Xira dos Malditos dos lugueses Arrhythmia tomou o escenario do Morrasound, que puxeron un peche glorioso ao festival, neste concerto constatamos a gran evolución dos arrhythmia nos últimos anos e ver como se fixeron totalmente co público a pesar de ser o último grupo do festival.

VÍDEOS: Martín Rodas

TEXTO: S. Murias