A pasada fin de semana estivemos a gravar o vídeo oficial do Antrospinos V, que esta semana estará na rede. Pasámolo caralludamente en Taragoña. Tratáronnos moi ben e déronnos de papar callos e churrasco. Entre gravación de vídeo e prato de callos aínda tivemos tempo a tirar algunhas fotos dos concertos das dúas noites. Aquí as están.
Os Cempés e Quempallou foron os encargados de abrir os concertos venres e sábado respectivamente. Estiveron ben, -Os Cempés tocaron un par de temiñas máis ca nas Revenidas-, e malia comezaren, ambas as bandas, con pouco público, remataron o bolo cunha máis que aceptable media entrada. Os de Ferrolterra engancharon o público máis ca a semana pasada na outra banda da ría e remataron o concerto nun punto álxido, cos bises nos que desta volta incluíron o Sara, Sariña.
{artsexylightbox path="images/stories/2012/concertos/antrospinos/cempes_quempallou"carousel="true" carousel_visible="4"}{/artsexylightbox}
A noite do venres completouse con Dakidarría, Canteca de Macao e Bohemian Betyars. Só temos fotos destas dúas últimas bandas. Bo concerto en xeral das tres. Os Dakidarría na liña dos últimos anos, cun directo cada vez máis traballado. Canteca, un chisco monótonos para o noso gusto pero levados por un público que lles sabía moitos temas. Bohemians, unha das descubertas do ano. Confirmaron o visto no Reperkusión e volveron facer chimpar o público coa súa mistura de punk e música dos balcáns.
{artsexylightbox path="images/stories/2012/concertos/antrospinos/bohemians_Canteca"carousel="true" carousel_visible="4"}{/artsexylightbox}
Sábado pola tarde fomos de paseo en matraquillo. O que distingue o Antrospinos do resto de festivais do país é a Matraquillada, un roteiro furancheiro-matraquilleiro que vai desde a zona do concerto até a praia. Para que non o saiba: matraquillos e como lle chaman na zona aos chimpíns
{artsexylightbox path="images/stories/2012/concertos/antrospinos/matraquillos"carousel="true" carousel_visible="4"}{/artsexylightbox}
Os concertos do sábado que comezaron como xa dixemos con Quempallou, -que foron quen de pór a cantar ao público todo-, seguiron con Alamedadesoulna e Kumpania Algazarra. Monótonos os primeiros, malia a posta en escena poderosa e as ganas de agradar. Correctos os Kumpania, deron o que se agardaba deles. A noite rematou co directo dos Bastards. Os coruñeses andan con nova formación, -pois Aspi está de xira con The Real Mackenzies-, e entraron dous gaiteiros para substituílo. Se ben a presenza no escenario do gaiteiro é complicado enchela, o certo é que o directo sae reforzado coas 2 gaitas. Gustaron e deron un bo concerto.
{artsexylightbox path="images/stories/2012/concertos/antrospinos/bastards"carousel="true" carousel_visible="4"}{/artsexylightbox}
}
}
}
}
}
}
}
}
}
}