Fin de semana brutal con toda a xeografía galega inzada de festivais. Era complexo escoller onde ir, pero ao final decidímonos por ir ao Son Rías Baixas de Bueu, ao Castelo Rock de Muros e mais a Pardiñas. Quedaron fóra da ollada de GZmúsica cousas ben interesantes coma a Festa da Carballeira de Zas. Porén, estade atent@s ao noso facebook estes días. Tentaremos atopar pola rede as mellores fotos e os mellores vídeos deses festivais aos que non chegamos. Iso si, imos encetar o repaso por aqueles festis aos que si fomos. O primeiro, o Castelo Rock de Muros.
O festival muradán chegou á súa novena edición sendo dos poucos que manteñen a gratuidade. Andamos por aló o venres, nunha noite perfecta, sen vento e cunha temperatura moi agradable. Arredor de 1000 persoas nos concertos en todo momento, en realidade unhas 1500-2000 pasaron polo recinto en total, para ollar Skarallaos, Medomedá, Ruxe Ruxe e Trashtucada. Nós chegamos co concerto dos Skarallaos xa comezado e gustounos o fin de festa que montaron. Era a primeira vez que viamos a nova formación e semella que o espírito skarallao segue vivo. Despois foi a quenda dos Medomedá. Tamén gustamos, e iso que o son non foi moi alá, algo que afectou dalgún ou doutro xeito as bandas que vimos.
{artsexylightbox picasaUser="gzmusicaweb" picasaAlbum="medomedaskarallaoscastelorock"}{/artsexylightbox}
Saíron despois os Ruxe Ruxe. Primeiro directo que lle viamos desde a saída do Torroncho no baixo. O ex-Ruxe anda enleado co musical Galicia Caníbal e o seu posto na banda foi cuberto por Carlos Freire. O son do grupo está ben traballado e a nova peza acoplou sen problema. Porén, os Ruxe sufriron o vaivén de público entre a zona do "botellón" e o festival e tiveron de comezo menos xente e o ambiente un pouco parado até que entraron na media hora final do seu directo, sen concesións ao acougo como é costume, para rematar por convencer. Marchamos sen mirar aos Trashtucada. Había moita fin de semana por diante.
{artsexylightbox picasaUser="gzmusicaweb" picasaAlbum="ruxeruxecastelorock"}{/artsexylightbox}
}
}
}
}
}
}
}
}
}
}