O Festival de Cine de Cans estivo cheo de música este ano. Como xa fostes vendo nos distintos vídeos que subimos á rede, pola aldea do concello do Porriño pasaron grandes nomes da música do país e tamén de fóra. Mais restábanos por subir un outro vídeo, dunha actividade que se celebrou o sábado 24 pola mañá da man de Xurxo Souto. Foi un paseo sonoro por Cans onde coñecemos pequenas historias musicais de Cans, inseridas con mestría por Souto na historia musical galega. Máis dunha hora de vídeo, de música, de historias, unha proba máis de que somos un pobo de artistas.
Aquí tedes o qu deu de si ese paseo polas corredoiras e camiños de Cans, visitando as casas dos veciños que teñen algunha historia musical que contar. Historias de vellas bandas locais, de músicas chegadas da emigración,..., nun fermoso paseo argallado pola xente do festival de Cans en colaboración co festival SinSal. Que vos preste!
{fcomments}
}
}
}
}
}
}
}
}
}