O vindeiro sábado 13 de outubro a cidade de Vigo réndelle homenaxe a Fito, alma da Roda recentemente falecido. O auditorio Mar de Vigo será o lugar onde se celebrará o acto, organizado polo propio grupo e o concello de Vigo. Nomes senlleiros da música galega xa confirmaron a súa presenza en Na Memoria. Máis información e axenda do acto no interior do artigo.

Reproducimos parte do dossier de prensa que a banda publicou co gallo da homenaxe:

"O pasado dous de Setembro, o eixo da roda, Fito, deixavanos os 66 anos de idade. A alma da roda desaparecía, pero deixaba un legado inesquecible, por unha parte as súas cancións, que forman parte inseparable da cultura de Galicia, e por otra un legado de sabiduría musical e popular no resto dos componenetes do grupo e en especial no seu fillo Alfredo.
Os membros actuais de A Roda tiveron claro dende o primeiro momento que a mellor homenaxe que lle podían facer e que a roda siga xirando e xirando e non deixe de xirar. É con este espírito de continuidade, A Roda e o Concello de Vigo decidiron que a mellor maneira de renderlle tributo a Fito era facendo o que mais lle gustaba, cantar, e por iso o próximo día 13 de Outubro nun lugar emblematico e moi perto de ese porto que tanto lle gustaba a Fito, o Auditorio Mar de Vigo, un grupo de amigos xuntaranse para rendirlle unha homenaxe máis que merecida e un recoñocemento de toda a cidade de Vigo e de Galicia enteira a un home que levou o mais alto nivel a música máis tradicional e máis modesta, a das tabernas que inundan cada recuncho da cidade de Vigo.
Este concerto homenaxe no que participarán multitude de artistas da escena musical galega como: Mini e Mero, Anxo Pintos, Xurxo Souto ou Susana Seivane entre outros, estará chea de sorpresas, música, baile e en fin, moita, moita festa que sen dúbida e como Fito querería que todos e todas o lembrasemos."

PROGRAMA

SABADO 13 de OUTUBRO DE 2012

21:00 h -Apertura de portas ao publico
22:00 h -Acto de presentación. Intervención do Alcalde
22:10 h – Inicio do Concerto

MINI E MERO
GRUPO CANCIÓNS DOS NOSOS BARRIOS
XURXO SOUTO
GRUPO DE BAILE OS CORIDANTES
SUSANA SEIVANE
ANXO PINTOS

A RODA

+ Convidados sorpresa...