Este sábado 17, a casa da Cultura de Vincios (Gondomar) acollerá a presentación oficial do traballo de estrea dos Irmandiños de Vincios. Monte Galiñeiro, un traballo que escolma os cinco anos de existencia dunha formación que se creou coa pretensión de pasalo ben en furanchos e seráns. E iso nótase nos 16 temas que compoñen o disco, moitos de autoría propia mais chantados todos na tradición. Iso si, na súa vertente máis bailable e festeira, o que vén sendo unha constante nas novas formacións das terras de Turonio.

Na web dos Irmandiños podedes escoitar Monte Galiñeiro.

Aquí tedes o paso dos Irmandiños polo Luar...ollo á intro!