O vindeiro venres día 24 de xullo Leilía levará, ás 23:45 horas, os sons do seu último disco 'ConSentimento' á Praza de Macías en Padrón. O concerto enmárcase nas Festas do Santiaguiño e a entrada será de balde.

'ConSentimento' é unha homenaxe ás mulleres que fixeron e fan realidade a creación, a conservación e a transmisión da tradición oral galega. A actuación está organizada polo Concello de Padrón e conta coa colaboración da Deputación da Coruña.

Tal e como apuntan as cantareiras, “Padrón é una localidade na que nos atopamos moi agusto”, xa que dúas das súas compoñentes, Felisa Segade e Montse Rivera son profesoras de canto e percusión tradicional e baile, respectivamente, na Asociación Cultural Arreixeira. A dita Asociación cumpre 25 anos en 2015 e actuará na mesma praza que Leilía antes que as cantareiras. Ademais, ambas as dúas agrupacións interpretarán algún tema en conxunto.