GZmusica.com - Músicas da Galiza

Festivais

A pasada fin de semana estivemos a gravar o vídeo oficial do Antrospinos V, que esta semana estará na rede. Pasámolo caralludamente en Taragoña. Tratáronnos moi ben e déronnos de papar callos e churrasco. Entre gravación de vídeo e prato de callos aínda tivemos tempo a tirar algunhas fotos dos concertos das dúas noites. Aquí as están.

: Published: 31 Xullo 2012; Visitas: 2417

Ler máis: Algunhas fotos do Antrospinos V

A fin de semana vindeira é desas en que escoller a cita festivaleira á que asistir é un problema. Así de primeiras, SonRías Baixas en Bueu, Festa da Carballeira en Zas, Pardiñas en Guitiriz, Castelo Rock en Muros... e Festa do Albariño en Cambados, con Julio Iglesias e Manolo Escobar. Tentaremos irvos falando de cada unha delas ao longo da semana. Aínda que da Festa do Albariño igual pasamos. Iso si, seguramente tamén falemos dalgunha máis que agora nos esquece. De momento comezos polo Castelo Rock, que se presentou oficialmente o pasado sábado é que vai levar até Muros dúas noites do mellor rock nacional e estatal.

: Published: 29 Xullo 2012; Visitas: 2030

Ler máis: A IX edición do Castelo Rock en Muros, os días 3 e 4 de agosto

A música inundou Vilaxoán a pasada fin de semana e GZmúsica estivo aló para contalo. Se ti tamén estiveches nas Revenidas de Vilaxoán deste ano, bótalle unha ollada a este artigo. De seguro atopas algo interesante. E se non fuches a Vilaxoán, debes saber que tes un problema de axenda, pois deixaches pasar unha das mellores citas festivaleiras deste verán no país. Aínda así, neste artigo poderás atopar algo da esencia das Revenidas. Fotos. Vídeos. Crónica. Non incluímos o cheiro a sardiña, pero case, case...

: Published: 24 Xullo 2012; Visitas: 4028

Ler máis: Crónica das Revenidas 2012: Sardiñas e música en Vilaxoán

A unha semana do V Festival Antrospinos en Taragoña, Rianxo, a organización agarda que asistan ao festival máis de 4.000 persoas. Xa se traballa no recinto para telo a punto os días do festival. Máis dunha ducia de conxuntos musicais participarán na quinta edición do festival Antrospinos, que se volverá celebrar en Campo Maneiro, Taragoña a sexta feira 27 e sábado 28 de xullo.

Published: 22 Xullo 2012

Visitas: 2904

Ler máis: Taragoña prepara o Antrospinos 2012

GZmúsica ao vivo desde a praia do Preguntoiro, sentidos os berros das tripulacións das traíñas que andar a bogar polo mar de Arousa. Que ben se está no Revenidas 2012! Onte, noite espectacular. Terbutalina, O Leo, incribles. Guezos e DKTC ben, moi ben, no escenario grande. Los Mighty Calacas, mestres do rock...e grande sorpresa, The Booze. Folk-Rock contundente de comezo a fin...iso si, que alguén lles diga a vindeira vez antes de subir ao escenario que están na Galiza.

{artsexylightbox picasaUser="gzmusicaweb" picasaAlbum="Revenidas2012Venres"}{/artsexylightbox}

: Published: 21 Xullo 2012; Visitas: 2696

2 días de concertos, 13 bandas sobre os escenarios, 60 voluntarios/as, 600 camisolas, 3.000 racións de sardiñas, zona de acampada para 800 tendas, 15 euros o bono para os 2 días e unha sorpresa montada nun Avia...Chega a fin de semana das Revenidas e GZmúsica estará alí. Neste artigo tedes toda a info precisa para coñecer o que se está a argallar para mañá, sexta feira, e pasado, sábado, en Vilaxoán de Arousa. Música, solidariedade, gastronomía e bo ambiente á beira do mar da Arousa.