GZmusica.com - Músicas da Galiza

Festivais

Volveu o Rebumbio. Desde a autoxestión e o traballo en man común, a xente máis bulideira de Mos volveu encher o monte do Rebullón de boa música. Este ano, o Rebumbio celebrouse conxuntamente coa Festa do Monte dos comuneiros da parroquia de Tameiga, e desde o venres 30 de agosto até o domingo 1 de setembro houbo música e festa no Parque Forestal. Estivemos alá a sexta-feira, a ollar os concertos de Chotokoeu, Ulträqäns e Os Vacalouras. Aquí tedes crónica, fotos e vídeo do que alí houbo.

: Published: 10 Setembro 2013; Visitas: 3038

Ler máis: Así nos foi no Rebumbio 2013

A fin de semana do 26 e 27 de xullo, a parroquia de Taragoña, en Rianxo, acolleu unha nova edición do Festival AntrosPinos. A máis dura, segundo os organizadores e organizadoras, polo contexto social que se vivía eses días no país e por riba co engadido dunha segunda xornada pasada por auga. Porén, o FAP resistiu e resistirá, pois ha poder sempre máis o agarimo e a paixón dos que parten o lombo montando festivais na Galiza ca os atrancos que atopen no camiño. Desde aquí, todo o noso apoio e a nosa visión do FAP 2013: Fotos e vídeos de Lety GF.

: Published: 04 Agosto 2013; Visitas: 3378

Ler máis: Antrospinos 2013: fotos e vídeos

Sen tempo non era, pero seguimos coa nosa ollada ao Revenidas 2013. Aquí tedes os vídeos que os nosos Reporteiros Festivaleiros gravaron, cámara en man, a pé de escenario. Fermín Muguruza, Zuloak, Martelo, A Compañía do Ruído, Narf e o comunicado das traballadoras da conserveira Cuca, que recibiron unha homenaxe o primeiro día do festival. E lembrade que o venres 9, emitiremos o Especial Revenidas en GZmúsica TV.

: Published: 04 Agosto 2013; Visitas: 3000

Ler máis: Revenidas 2013: + vídeos

En GZmúsica seguimos a percorrer festivais polo país adiante. No último mes estivemos no Sons da Lameira, OuBeade, no Revenidas e no AntrosPinos. Do festival de Vilaxoán xa vos adiantamos algúns vídeos e esta semana haberá crónica. Tamén do AntrosPinos. Pero antes deixámosvos a nosa experiencia no OuBeade, que transcorreu entre o 11 e o 13 de xullo no parque forestal da parroquia viguesa de Beade. Até alí subiu Lety GF o sábado e aquí tedes as súas fotos e a súa crónica.

: Published: 30 Xullo 2013; Visitas: 3689

Ler máis: III Oubeade. Crónica e fotos

Vilaxoán de Arousa foi a capital da música do país. Do 18 ao 20 de xuño, o Revenidas 2013 celebrou o seu décimo aniversario cunha proposta protagonizada pola música galega (Diplomáticos, Ruxe Ruxe, Martelo, A Compañía do Ruído, Narf,...) e adobiada con interesantes propostas foráneas (Zuloak, Obrint Pas,...). Estivemos aló e ao longo dos seguintes día iremos subindo cousas sobre o festival á web. Velaquí as primeiras impresións e un par de videos: Leo coas traballadoras de Cuca e mais O Caimán do Río Tea.

: Published: 21 Xullo 2013; Visitas: 3835

Ler máis: Revenidas 2013: Primeiras impresións e un par de vídeos

Fomos até a parroquia viguesa de Matamá, para asistir ao festival Sons da Lameira. Este ano só un día, o primeiro sábado de xullo xa que non se celebrou a xornada de folc, mais con moita afluencia de xente e cun cartaz variado que permitiu gozar as e os asistentes dunha calorosa e longa noite de música.