Ruxe, Rebeliom e Arrhythmia estiveron o venres pasado dando tralla no Clavicémbalo de Lugo. A organización do Festival da Candeloria, que comeza este xoves, argallou unha festa "Pre Candeloria" para ir quentando o ambiente en Lugo nas vésperas dun festi que este ano pasa de 2 a 3 días por vez primeira. GZmúsica andará máis un ano pola Candeloria pero xa fomos enviando unha cabesa de ponte para recoñecer a zona a pasada semana e contarnos como foi esta festa Pre Candeloria. Velaquí as fotos e vídeos do Miguel Grandío da que se montou no Clavi este venres.

Published: 19 Febreiro 2018

Visitas: 2380

Ler máis: Pre Candeloria 2018 no Clavicémbalo

As tardes de Compostela os domingos soan a jazz. A Casa das Crechas volve ter este inverno a Sumrrá case de banda residente e se che cadra andar pola capital un domingo á tardiña paga moito a pena ver se teñen concerto e achegarse alá. O Vituco Neira foi velos hai unhas semanas e volve agora a retomar a colaboración con GZmúsica falándonos da maxia que Sumrrá deita os domingos nas Crechas.   

Published: 04 Xaneiro 2018

Visitas: 2711

Ler máis: Domingo á tardiña con Sumrrá

Chotokoeu están de despedida. Despois de 10 anos percorrendo Europa, a banda con sede en Uxes percorre o país co Ata Sempre Tour. Fomos miralos ao Aturuxo de Bueu e volvemos con sensacións encontradas: contentas polo concertazo que gozamos e tristes pola despedida da banda. Aquí vos queda a crónica de Lety GF e as fotos do Xabicas...e lembrade que aínda estades a tempo de ver Chotokoeu ao vivo, por exemplo este sábado en Soutomaior.

Published: 29 Novembro 2017

Visitas: 2146

Ler máis: Ata sempre tour no Aturuxo de Bueu (19/11/17)

Entre os pasados 15 e 24 de setembro celebrouse en Santiago a segunda edición do Festival Internacional de Muralismo e Intervencións Urbanas Compostela Contemporánea. Desta volta non só ían encher as rúas de cores, se non tamén algunha noite de música, e algunha conferencia para coñecer os participantes da edición anterior. Así que até alí foi Lety GF non para pintar murais senón para se encher de notas, e letras, na praza 8 de marzo do barrio de San Pedro.

Published: 26 Setembro 2017

Visitas: 2279

Ler máis: Compostela Contemporánea é arte na rúa

A Compañía do Ruído celebrou os seus 15 anos enriba dos escenarios cun concerto na súa vila, en Ribeira, no que colaboraron moitas das persoas que neste tempo pasaron pola formación inventora do punchi-punchi. Até aló nos fomos, a nos dar unha volta pola Festa da Dorna e podermos estar ao carón da Compañía nesta data tan especial. Fotos de Lavesedo e unha pequeniña crónica de S. Murias achégante o que foi o concerto polo XV aniversario da Compañía do Ruído.

Published: 28 Xullo 2017

Visitas: 2476

Ler máis: 15 anos en boa Compañía

Como vos contamos hai dúas semanas, a Familia Caamagno volvía á casa despois de andar por terras estranxeiras a seguir a apresentar o seu Para unha vez que saímos, publicado no 2016. Fixeron paraxe en Bueu, no Atu, e até alí foron Lety GF e Fer para bailar gagnán un bocadiño e de paso achegarnos esta estupenda crítica, con fotos incluídas. Non te perdas o resumo da festa que se montou no Aturuxo hai 9 días coa visita da banda de rock de Sigüeiro e o seu "Para unha vez que saímos".

Published: 16 Mai 2017

Visitas: 2925

Ler máis: Familia Caamagno no Aturuxo (07/05/17)

Lamprea Explosiva e Terbutalina deron unha boa posta de punk o pasado venres 10 de marzo en La Iguana Club de Vigo. Público entregadísimo e potencia e actitude no escenario para unha velada punk das que fan historia. Fer e Víctor, os nosos reporteiros especializados en concertos de alto risco estiveron alá e saíron vivos para contalo. Eis as súas fotos e crónica.

Published: 20 Marzo 2017

Visitas: 3274

Ler máis: Lamprea Explosiva + Terbutalina (10/03/17)

Nunha noite de alerta vermella e temporal, Ses conseguiu practicamente encher o auditorio Mar de Vigo na presentación na cidade de "Opoñerse á extinción". Tal e como aconteceu na Coruña, Narón ou Ourense, un público entregado gozou cos temas do novo disco, mesturados cos clásicos da cantautora da Coruña. A súa xira continúa este vindeiro sábado en Pontevedra; se non te das decidido a ir le a nosa crónica e escoita o novo disco. Sairás de dúbidas.

Published: 07 Febreiro 2017

Visitas: 2686

Ler máis: Sés no Mar de Vigo (04/02/17)