Concertos
Un dos últimos concertos aos que asistimos o ano pasado foi o de Wöyza no Salason de Cangas. A cantante de Moaña viña presentar o seu novo traballo, Pelea, que está a ter boa acollida en público e medios especializados a nivel estatal. 11 temas cantados en español onde Wöyza explora ese vieiro que a leva do hip-hop cara ao soul ou incluso R&B. Até a magnífica sala cangueira baixou a nosa compañeira Lety GF desde os altos de Coiro para gozar dunha boa velada musical e de paso achegarnos esta pequena crónica, con fotos e vídeo.
- Visitas: 3258
O sábado 17 de decembro GZmúsica andou pola Pontragha. As Bouba Pandeireteiras apresentaban Vinculeiras, o seu primeiro traballo, e até aló foi Lety GF para nos contar todo o bo que alí houbo. Moita pandeideretada, de nenas, mozas e avoas, coa xente do lugar e vidos da contorna arroupando as Bouba na súa presentación. Aquí vos quedan fotos e unha pequena crónica da man da nosa reporteira.
- Visitas: 4778
Ler máis: Motorizadas no seu disco. As Bouba presentaron Vinculeiras
O pasado 9 de xullo o Centro Social A Tiradoura de Cangas acolleu a presentación da segunda edición do Festival da Liberdade, que terá lugar en outubro tamén no concello morracense. Despois do éxito da edición do 2015 e á espera de que o campo de Montecarrasco volva acoller un feixe de bandazas galegas e estatais, estivemos na veiga da Tiradoura, en Reboredo, gozando coa Compañía do Ruído e Labregxs do Tempo dos Sputniks.
- Visitas: 3429
Superoito fixo parada no Hío antes do seu concerto no OurenRock. Foi o pasado 3 de xuño no Carlete, en Vilariño, un novo local a programar música ao vivo na comarca do Morrazo. Non podiamos faltar a un concerto dunha das bandas das que máis gustamos en GZmúsica e menos no bar onde tomamos o vermú algún de nós. Así que baixamos á aldea para velo e aquí vos deixamos crónica e fotos de Lavesedo do concerto.
- Visitas: 3827
Akatz trouxéronnos ritmos xamaicanos desde Euskal Herria o pasado mes de abril. A banda de reggae vasca andou polo Clavicémbalo de Lugo e polo Aturuxo de Bueu. Non podiamos deixar pasar a ocasión de velos tan perto da casa, así que fomos ao concerto no Atu. Aquí vos queda crónica, con fotos e vídeo de Lety GF.
- Visitas: 3189
A primavera veu cargada de concertos no Morrazo. Andamos polos locais que manteñen programación estable -e variada- na bisbarra, ollando moita cousa boa. Xa vos falamos do concerto de Malandrómeda no Labranza e hoxe achegámosvos crónica e fotos do paso da Familia Caamagno polo Salasón de Cangas.
- Visitas: 4102
Malandrómeda parou no Morrazo, no Bar Labranza da aldea de Meiro, para presentar os seus dous novos discos. Foi o pasado 18 de marzo e por alí estiveron Lety GF e C. Gende para facer esta crónica. Hip Hop do melloriño da man do Hevi, no micro, acompañado de Xurxo Piñeiro dos Barbitúricos nos controis, para apresentar "Os corenta e oito nomes do inimigo" e "Cada can que lamba o seu carallo", 21 novos temas dun dos mellores representes do hip hop galego.
- Visitas: 4577
Hai un par de fins de semana achegámonos a Compostela para irlle á estrea do novo disco da Familia Caamagno, Para unha vez que saímos. Noite de rock e chaquetas vermellas, nunha Capitol con bo ambiente que gozou cos concertos de Cool Funeral primeiro e Familia Caamagno despois. Aquí vos queda unha pequena crónica e unhas fotos do concerto, todo feito por Lavesedo.
- Visitas: 2968
Ler máis: Cool Funeral + Familia Caamagno na Capitol (04/03/16)
Vindeiros concertos
 }04 Set 202610º Flores Rock Barrio das Flores - A Coruña |
 }03 Set 2026Festival Osa do Mar Burela |
 }04 Set 2026IX Parga Rock Parga (Guitiriz) |
 }03 Set 2026XIX Festa do Marisco de Vigo Porto de Vigo - Vigo |
 }04 Set 2026XXXVIII Festival da Poesía do Condado Salvaterra de Miño |
 }04 Set 202608:00AM - Festas de Vide Vide (As Neves) |
 }04 Set 202609:30PM - XIII Noite Folk San Xurxo de Vea (A Estrada) |
| }03 Set 2026 Festival Osa do Mar Burela |
| }03 Set 2026 XIX Festa do Marisco de Vigo Porto de Vigo - Vigo |
| }04 Set 2026 XXXVIII Festival da Poesía do Condado Salvaterra de Miño |