Concertos
O pasado domingo 16 de setembro, o Aturuxo de Bueu foi a segunda paraxe da Xira Bruta. Martelo, un trío de rock galego de nova factura, presentábase diante da parroquia roqueira do Morrazo. Convenceron cunha proposta de calidade que trae arrecendos diversos ao rock americano de distintas épocas. GZmúsica estivo aló. Aquí vos deixamos vídeos e fotos do concerto.
- Visitas: 3061
Cada vez é máis común que os festivais galegos programen algún tipo de actividade entre grupos e grupo. Ou ben montan dous escenarios, -como fixo por exemplo As Revenidas-, ou ben no propio escenario, -ás veces, até a pé de palco-, fan oco para actuacións sinxelas e irreverentes. Coma por exemplo, Arremecághona's produsións. É habitual ver o crecente número de Alter Egos do Leo de Matamá nas festas do país. E este ano estiveron entre outras na Festa Folc de Vilariño. Aquí vos deixamos os vídeos íntegros da súa intervención.
- Visitas: 3392
Xa pode chover ou ventar en pleno verán, que a factoría Borneira non ten paraxe. A última incursión festivaleira para GZmúsica levounos até o SonRías Baixas o pasado venres 3 de agosto. Velaquí o primeiro vídeo, La Pegatina...Estiveches bailándolle a rumba? Pois búscate no vídeo, que o mesmo saes!
- Visitas: 2210
Os hostaleiros da Quintana organizan un concerto o vindeiro día 27 de xullo, con Budiño e Kepa Junkera encabezando o cartaz. Ademais deles dous, Vaamonde, Lamas&Romero, O Fiadeiro, Uxía e Astarot completarán unha noite centrada na música galega. Os concertos comezarán ás 21:00h e a entrada custará 6€. Parte da recadación irá destinada a loita contra o cancro.
Aquí vos queda un vídeo do primeiro concerto da xira de verán dos Astarot, a pasada semana en Muimenta.
- Visitas: 2329
O venres 22 de xuño, Compostela foi escenario dunha das citas musicais senlleiras do ano. E non foi o bolo de Björk na Cidade da Cultura. A islandesa cumpriu o frío guión e os fans gustaron. Mais o que realmente fervía na cidade era a praza de Santo Agostiño. Alí mora O Leo e na súa casa reuníu unha trintena de amigxs e gravou o seu terceiro traballo para abraio de veciñanza e turistas. GZmúsica estivo aló...gravando desde o poleiro.
- Visitas: 2895
O pasado venres 1 de xuño, estiveron pola banda de Marín Xosé Luis Rivas e Baldomero Iglesias. Mini e Mero. Os músicos chairegos, fundadores de Fuxan os Ventos e A Quenlla, falaron na vila do Morrazo de música, tradición, lingua e poesía. E botaron man do seu repertorio para acompañar as súas palabras. Deixámosvos aquí o seu Irmán, nun vídeo gravado por XoánArcodaVella. Se queres ver máis vídeos do recital, vai a súa conta de youtube.
- Visitas: 2573
Domingo 27 de maio, volvemos ao Aturuxo. Desta volta, visitaban a sala de Bueu os Zurrumalla.A banda, formada contra o ano 2000, mantén desde os seus comezos o gusto pola música tradicional. Nomeadamente, pola vertente máis festeira do repertorio da nosa tradición, que é tamén a cerna do seu novo disco.
- Visitas: 2619
A semana musical comezou xa o pasado mércores 16 de maio. Había varias opcións interesantes, mais GZmúsica escolleu a visita da Compañía do Ruído ao Aturuxo de Bueu. Os do Barbanza andan a armar de volta unha formación poderosa que promete dar tralla no verán. Viñeron presentar o seu último traballo, que podes escoitar no interior do artigo.
- Visitas: 2582
Vindeiros concertos
 }05 Mai 202609:30PM - Vadzim Yukhnevich e Giuliano Parisi Borriquita de Belém - Santiago de Compostela |
 }06 Mai 202610º Facela Fest Lugo |
| }06 Mai 2026 10º Facela Fest Lugo |
 }07 Mai 2026Agora Guerrilla Borriquita de Belém - Santiago de Compostela |
 }07 Mai 2026Antía Muíño Avalon Café - Zamora (España) |
| }06 Mai 2026 10º Facela Fest Lugo |
 }08 Mai 2026Bestas Sala Urania - Ferrol |
 }08 Mai 2026Fillas de Cassandra Recinto Feiral - Pontevedra |
 }08 Mai 2026Rebeliom do Inframundo Sala Capitol - Santiago de Compostela |
 }08 Mai 2026Sementeira e Música Área Recreativa do Muíño da Ponte - Corzáns (Salvaterra de Miño) |