Vindeiro sábado, 11 de xullo, Outeiro de Rei volve acoller o Convivio da Cultura Galega. A Fundación Manuel María organiza por segundo ano este encontro, unha festa de e para o tecido cultural do país. Na carballeira de Santa Isabel, ao pé do Miño e do Ladra, con actividades desde as 12 da mañá até as 9 da noite. 

Published: 08 Xullo 2015

Visitas: 2246

Ler máis: II Convivio da Cultura Galega en Outeiro de Rei

Durante o mes de maio Compostela celebrou as Festas da Ascensión. Alí viviunas, gozounas e sufriunas Lety GF a nosa reporteira que exerce de veciña -temporalmente- da capital. Aquí nos conta o que lle pareceu os concertos polos que andou neses días, La Pegatina, Néstor Pardo, etc.

Published: 03 Xuño 2015

Visitas: 1759

Ler máis: Festas da ascensión na Quintana

Chegou maio, chegaron os festivais de verán. Agás eses pequenos oasis -Taíña, Candeloria- que nos matan o ·"mono" na invernía, desde A Rebusca até a Treze Catorze, apenas hai festivais no país. Así que non podiamos faltar nesa primeira cita festivaleira, en Salceda de Caselas, que por tradición marca o comezo da temporada de festivais de verán. Até alí fomos para facer unha reportaxe con crónica, vídeo e fotos. Aquí a tedes!

Published: 06 Mai 2015

Visitas: 2593

Ler máis: Salceda bailou coa Treze Catorze

O pasado 7 de marzo, o Auditorio Afundación de Vigo acolleu a cuarta edición do Cantares no Miñor. Celebrado por vez primeira fóra da bisbarra que lle dá nome, o festival contou coa participación de Cantares do Brión -coro organizador do evento- e de Toxos e Froles de Ferrol. Alí estreouse a nosa nova reporteira, Cova González, que nos trae un pequeno resumo en vídeo das actuacións destes dous coros tradicionais.

Published: 17 Marzo 2015

Visitas: 1545

Ler máis: Vídeo resumo do IV Cantares no Miñor

Até este sábado 14 de marzo está aberto o prazo para se apuntar neste primeiro Concurso de bandas que organiza a Asociación Cultural Rúa de Música de Sarria. Para se apuntar apenas hai que lles enviar información da banda e ligazóns a algún vídeo do grupo que estea na rede ou algún vídeo gravado no propio local de ensaio. A asociación escollerá 12 bandas entre todas as que se presenten para a fase previa. Haberá dous gañadores, que poderán tocar no Garitosis 2015, e ademais levarán cadanseus 500€ en metálico, Máster da gravación do seu concerto no Garitosis 2015 e 100 copias do primeiro CD Garitosis. O resto das 12 bandas non levarán recompensa económica pero terán cuberta cea e durmida os días que toquen ademais de poder empregar o backline da asociación.

Published: 12 Marzo 2015

Visitas: 2638

Ler máis: I Concurso de bandas "Garitosis, enfermidade musical"

En Lugo nunca hai nada, disque. Ou nunca había, pois despois desta edición da Candeloria na cidade das murallas xa non se pode dicir que a capital do interior sexa un lugar onde nunca acontece nada. O responsable desta metamorfose foi un festival que deitou 48 horas de música, festa e un moi bo ambiente pola cidade. O melloriño da música nacional e estatal xuntos no Pazo de Feiras e Exposicións. Rock, hip hop, metal, pop. Sesión vermú, Cantos de Taberna vespertinos e troula nocturna. De todo e todo bon na Candeloria 2015. Aquí tedes a nosa visión e unha fotiños. Ah! E lembrade que MAÑÁ venres 6 de marzo, estará online o Especial GZmúsica TV A Candeloria 2015.

Published: 05 Marzo 2015

Visitas: 2860

Ler máis: Fotos e crónica da Candeloria 2015