Xosé Manuel Budiño presentou na primavera de 2013 o que xa é o seu sexto traballo, Sotaque. O novo disco do de Moaña afonda nas liñas abertas por el en traballos anteriores, coa mistura de tradición e modernidade que caracteriza toda a súa obra. Para este disco, Budiño contou coa colaboración de António Zambujo, Michael McGoldrick e os Cantareiros do Fiadeiro. Agora o Sotaque pasa pola peneira de GZmúsica.

Published: 29 Xuño 2013

Visitas: 4384

Ler máis: Budiño, gaiteiro con Sotaque

Informabámosvos a comezos deste ano do proxecto de micromecenado que Esquíos botara a andar para lle dar xeito ao seu novo traballo, Porcocan. Conseguírono e agora xa están dispoñíbeis na rede para escoitar os 12 temas que compoñen o disco e o videoclip de O baile do parado. Escoita no interior deste artigo o traballo íntegro, unha boa posta de rock'n'roll sen imposturas de ningunha caste.

Published: 09 Mai 2013

Visitas: 4061

Ler máis: Porcocan, o novo de Esquíos

Hoxe sábado, o Auditorio da Estrada acollerá a presentación do novo disco de Linho do Cuco, As Alegrías. A cita é as dez da noite, cunha entrada de cinco euros, e polo escenario do auditorio pasarán @s músic@s tod@s que colaboraron no traballo. Haberá máis sorpresas nesta estrea, que será tamén punto de partida dunha Xira das Alegrías que levará a música tribal galega a todo o país.

Published: 23 Marzo 2013

Visitas: 3513

Ler máis: Linho do cuco ten novo disco: “As Alegrías”

O 2012 foi un ano vizoso para a música do país. No panorama folk, os novos discos de Luar na Lubre, Quempallou ou Os Cempés son de referencia inexcusable, como tamén o son as estreas de, por exemplo, Os Irmandiños de Vincios ou Óscar Ibáñez. E habería que citar moitísimos máis. Precisamente desde a cerna mesma da música de raíz galega, chegounos contra final de ano un traballo que merece ser referenciado. Trátase da nova obra de Rodrigo Romaní, antigo compoñente dos históricos Milladoiro, que nos trouxo o seu terceiro disco, Arpas de Breogán, (Fol Música, 2012), cando estabamos a piques de arrincar a penúltima folla do almanaque do ano extinto. Pasado o entroido, en GZmúsica debullamos estas Arpas de Breogán.

Published: 04 Marzo 2013

Visitas: 3577

Ler máis: Tanxendo As arpas de Breogán

Samesugas sobe á rede o seu último traballo, They are out there (Lixo Urbano, 2011). A edición física do traballo está a piques de se esgotar e a banda compostelá decidiu que é tempo de facer o traballo accesible na rede. Escoita aquí os 13 temas do seu terceiro disco longo.

Published: 14 Febreiro 2013

Visitas: 2808

Ler máis: Escoita o último disco de Samesugas

Desde a parroquia de András, no Salnés, chegan os Tira do Peito. Tres mozos que din facer Gastro Punk Porno Punk e que traen a receita para podermos soportar a situación en que vivimos. Calmante vitaminado, e vaino facer falla a mancheas, para asistir ao colapso do sistema. Punk sinxelo e rabioso nun traballo que moi logo ha estar dispoñíbel. Polo de agora, subiron á rede un petisco: o video pornopunk de Xan.

Published: 06 Febreiro 2013

Visitas: 2859

Ler máis: Calmante vitaminado, a estrea de Tira do Peito

Milesios presenta a súa estrea discográfica, Alén mar. A formación chairega mostra no seu traballo a música celta que veñen practicando desde a súa creación no 2009. A banda xa tocou en diversos festivais (Pardiñas, no Runas de Ortigueira, San Froilán,etc.) e locais do país, e tamén ten saído fóra, foi finalista no 30º Festival Internacional de la Sierra en Estremadura (España), malia contar con apenas 3 anos de vida.

Published: 02 Febreiro 2013

Visitas: 3374

Ler máis: Milesios presenta Alén Mar

Elektropandeiro é un proxecto de Xandre Outeiro, membro da A.C. Trépia, que mistura a tradición coa música electrónica. Como el mesmo di "experimentos electro-acústicos partindo de sons e ideas presentes na música tradicional galega. Integración de gravacións de recolleita en directos con zanfona electroacústica, percusión tradicional e voz". Escóitao e opina ti.

Published: 28 Xaneiro 2013

Visitas: 2543

Rebeliom do Inframundo apresenta novo traballo, A sorpresa. 15 temas de rap de corte clásico, de letras afiadas, rapeadas por O'Nervo, sobre unha base de bombo e caixa. Samplers e scratch da man de Dj Rapu. O disco está dispoñíbel por 5 €, podes conseguilo póndote en contacto por facebook co grupo. E se es dos que queres catar o xamón antes de o mercar, podes descargar un adianto con 3 temas no interior do artigo.

Published: 15 Xaneiro 2013

Visitas: 5280

Ler máis: A sorpresa de Rebeliom do Inframundo

A gaiteira afincada en Nova York, -onde forma parte da Silk Road Ensemble de Yo Yo Ma-, presenta o seu novo traballo, onde mistura tradición e jazz. Pato toca a gaita e o piano no traballo, mostrando as dúas facetas da súa carreira musical, acompañada por unha longa listaxe de grandes músicos, tanto da terra coma internacionais. Aquí tedes o vídeo promocional.

Published: 08 Xaneiro 2013

Visitas: 2764