Discos
Sondarúa, Hugo Guezeta e Álex Arnoso, veñen de presentar novo EP, Liberando mentes. 5 temas poderosos que manteñan a liña incisiva nas letras á que nos teñen afeitas, desta volta con producións do propio Álex Arnoso e de Peter Petrowski que lles souberon dar a contundencia e ritmo preciso as palabras afiadas que saen da libreta do Hugo. Os dous de sempre facendo temóns, cantan no primeiro corte do EP, Os dous de sempre, e non lle andan lonxe. Dálle unha escoita a novo de SonDaRúa e vai aprendendo os temas, que o 13 de abril presentan en Vigo e o 28 en Pontevedra, no Galegote Rock.
- Visitas: 2336
Os Benignos son unha banda de Cedeira que está a presentar estes días a súa primeira maqueta. Camiñando polo ska e o reggae, a estrea da banda cedeirense sorprende por calidade e madurez. Apenas 3 temas que nos deixan con gana de máis. Os Benignos traen o reggae do norte, dálles unha escoita!
- Visitas: 2096
Samarúas estréase cun traballo autoeditado publicado en xaneiro. Apresentados no 2013, Samarúas é unha proposta folk que plasma neste disco de debut os vieiros que actualmente transita a banda. Folk eminentemente instrumental, aínda que con cabida para a poesía nalgún das súas cancións, nun traballo que comeza cos palabras de Man, o alemán de Camelle, e transita maino, arrecendendo a mar, ao longo dos 7 temas que o compoñen. Dálle unha escoita ao disco e mergúllate no universo destes camaradas.
- Visitas: 2129
Mañá sexta feira 2 de febreiro preséntase na Sala Capitol de Santiago de Compostela o primeiro LP desta nova banda do pop galego, Volve a canción protesta. O grupo estará acompañado por bandas amigas da escena galega, coma Atrás Tigre, Ataque Escampe, The Homens ou Familia Caamagno. O novo disco xa está dispoñible en distintas plataformas dixitais. Botámoslle unha escoita neste artigo, para sabermos mañá ben as cancións na Capitol.
- Visitas: 1903
O pasado xoves 2 de novembro na Fundación Luis Seoane da Coruña tivo lugar a presentación da reedición de Fonte do Araño, o histórico disco de Emilio Cao do que agora PolyRock reedita 300 copias en vinilo co gallo do 40 aniversario da súa publicación en 1977.
- Visitas: 2213
Hai vilas no país que, por unha razón ou outra, rematan por ser o alcouve perfecto para o nacemento de moitísimas bandas. Unha delas é, sen dúbida, Ordes. Pero a densidade musical da vila coruñesa ten o seu reflexo no sur en Ponteareas. A vila do Tea, berce dos lendarios caimáns, acolle neste século un bo feixe de bandas, como Rebeliom do Inframundo ou Skándalo GZ ás que se une agora Hugo Guezeta. Hoxe traémosvos a súa primeira maqueta en solitario, A dignidade non se merca.
- Visitas: 2419
Ler máis: A dignidade non se merca. Primeira maqueta de Hugo Guezeta
Berlai presentou o ano pasado o seu primeiro proxecto. Desconhecido, publicado por Axóuxere é unha proposta que xunta música e banda deseñada para nos contar unha historia ambientada na cada vez máis difusa fronteira entre o rural e o urbano no noso país. Finalista na categoría de música pop nos Premios Martín Códax deste ano, a banda liderada por Xiao Berlai autocualifica o seu son como indie rururbano. Dálle unha escoita a un dos discos galegos máis interesantes e novedosos do 2016!
- Visitas: 2485
Xa alá onde vai o 2016, pero aínda non falaramos en GZmúsica da grande acollida que tiveron os dous novos discos que Malandrómeda presentou o pasado ano. Despois dun período de silencio, a volta do Hevi -acompañado agora polo Máster do Son- gustou moito e non só en Galiza pois foron varios os recoñecementos estatais para a volta do rapeiro compostelán. E non só el, o certo é que o ano pasado a música en galego espertou curiosidade en medios estatais e nos concertos había bastante máis ca emigrantes saudosas do noso rouco son. Tanto é así que esta fin de semana se celebra en Madrid o Fala Galego Fest, con 4 bandas galegas.
- Visitas: 2434
Ler máis: Malandrómeda e outras herbas galegas que triunfan fóra
Non descubrimos nada se dicimos que Sés é a música galega con máis éxito desta segunda década do século XXI. Xa van 7 anos desde que lanzara a súa primeira maqueta en solitario, á que seguiron 4 discos de estudio que a levaron a ser coñecida en todo o país. Fagan a proba, vaian a un instituto calquera e pregunten á rapazada se coñecen música en galego. Agás bandas locais ou algunha referencia illada a esta ou aqueloutra banda, só hai un nome que aparece decote nas bocas da mocidade, o de Sés. Quizais aínda teñamos esperanza e consigamos, como ela propia di no seu último disco, opoñernos á extinción.
- Visitas: 419
Eladio y los Seres Queridos saldan unha débeda coas cancións da súa infancia co seu novo disco, Cantares, presentado a finais do ano pasado. Un paseo pola banda sonora que soaba nos radiocasettes dos coches da Galiza de hai 40 anos, que permite lembrar ou descubrir xoias da música pop en galego.
- Visitas: 2532