Discos
Volve o Taberneiro Lamentable a nos mandar unha crónica musical ao webzine. E, coma sempre, vén aderezada co arrecendo dun bo prato, desta volta un raxiño con pemento e patacas vellas. Música do país e comida feita a lume manso, velaí a verdadeira dieta atlántica, a que non sobe o colesterol pero si nos dá azos para seguir existindo. Bótalle un ollo a esta crónica do Ben deitei de Safari Orquestra e bótalle, de paso, unha escoita a un dos mellores discos galegos dos últimos anos.
- Visitas: 2513
O Taberneiro Lamentable volve deleitarnos cunha crónica gastro-musical. Lume lento, Brosas e speed, unha plegaria ao deus Lemmy ao ritmo dos seus discípulos burelaos. Porque en Burela sempre escampa mal e na Galiza o rock adn roll é doente. Le o artigo e de paso bótalle unha escoita ao discazo de The Brosas.
- Visitas: 3063
Estreamos novo colaborador en GZmúsica! O Taberneiro Lamentable únese á nosa crew webzineira e desde hoxe e sempre que a situación o requira e as ganas o permitan vai ir enviando críticas de discos, concertos e/ou outras cousas relacionadas coa música do país. Quedades coa súa estrea neste venerábel webzine, unha ollada ao traballo dos Ulträqäns.
- Visitas: 2688
O pasado sábado 18 foi presentado na Capitol o último traballo de Ruxe Ruxe. No concerto, acompañados por Biribirlocke, deron un repaso aos temas do novo disco, nomeadamente, ademais de temas de Némesis e algún clásico. Mañá teredes a crónica completa do que alí aconteceu, con fotos e vídeo. Entrementres, aquí vos queda a crítica do novo traballo, realizada polo flamante novo colaborador de GZmúsica, Brais Arroutado Pangalaico. Que vos preste, paga a pena lelo.
- Visitas: 2732
Das Kapital decidiu pór punto e final a súa andaina. A banda despídese tras catro anos cun EP de 25 minutos sometido á asfixia do tempo en curso que radicaliza a súa aposta sonora. Así remata a traxectoria dun proxecto atípico, que acadou proxección alén das nosas fronteiras malia semellar estar destinado a ser unha proposta para minorías. Escoita este derradeiro traballo no interior do artigo.
- Visitas: 3463
Ler máis: Das Kapital pendura na Rede a súa derradeira gravación
Treixadura cumpre 25 anos. Para o festexar, gravou as súas dúas actuacións no García Barbón de Vigo en outubro do ano pasado, para presentar a finais de ano Vendima Tarda un CD+DVD que recolle eses concertos. Ou o que é o mesmo, fai un resumo destes 25 anos de andaina. Analizamos este traballo, que supón sen dúbida un fito na carreira da formación tradicional redondelá.
- Visitas: 5929
Sub Rosa vén de publicar unha preview do seu vindeiro disco Dietrich. Música electrónica que camiña polos lindeiros do xénero sen deixar de petiscar noutros estilos para presentar unha proposta ecléctica, chea de atmosferas creadas no contrapunto da electrónica e a percusión tocada e procesada ao vivo nos seus espectáculos. Dúas artistas electrónicas, un percusionista e un deseñador dan vida a un proxecto que busca os límites difusos da experimentación electrónica. Escoita o novo de Sub Rosa no interior do artigo
- Visitas: 2511
Unhas das formacións do país, no eido do tradicional, que aproveita o comezo do 2015 para se espreguizar da friaxe do inverno é Quempallou. A banda pangalaica, - formadas por integrantes de Bueu, O Incio, Vigo, etc e cun epicentro difuso arredor das Rías Baixas na actualidade- prepara xa o que será o seu sexto traballo. Mais desta volta, Quempallou argallou algo distinto. No canto de presentar todo o disco xunto, vano facer por anacos. Concretamente por Quarteiróns. E xa podes escoitar o primeiro!
- Visitas: 4064
Os Vacalouras veñen de subir ao bandcamp o seu segundo traballo, o EP Eres punki i non o sabes. O disco foi gravado en xullo do ano pasado e para celebrar que levan vendido xa máis da metade da tirada física, agora soben á rede 5 dos seus temas, que podes escoitar e descargar de balde. Só hai que asistir a un dos seus concertos para entender que Os Vacalouras son unha banda de directo, mais paga moito a pena tamén escoitalos enlatados. Punk sen complexos, pingas de ska, irreverencia e un pouso moi rocanroleiro pairando por todo o disco. Puro Pataca'n'roll. Dálle unha escoita!
- Visitas: 2385
Ler máis: Eres punki i non o sabes, o segundo EP dos Vacalouras, dispoñible na rede
N.O.M., Nova Orde Mundial, é unha banda de Ordes formada hai algo máis dun ano por antigos membros de bandas coma Kastomä, Chícharo Psicótico ou Electróxeno. Neste novo proxecto manteñen a liña destas bandas, e preséntanse coma un cuarteto metaleiro con toques de punk-rock. Despois de sacar un EP de estrea no 2013, veñen de publicar os 6 temas que compoñen o seu segundo disco. Pégalle unha escoita!
- Visitas: 2602
Vindeiros concertos
 }04 Mar 202608:00PM - Cultura contra a Barbarie. Gala Solidaria por Palestina Teatro Principal - Pontevedra |
 }05 Mar 202608:30PM - Antía Muíño Teatro Principal - Santiago de Compostela |
 }06 Mar 2026Rebeliom do Inframundo Sala La Laut - Barcelona (Catalunya) |
 }06 Mar 202611:30PM - Verter GZ Pub Gatos - Melide |
 }07 Mar 2026III Foliada de Primavera Axeigada Rábade |
 }07 Mar 2026IX Cantos de Taberna de Quiroga Casa da Cultura - Quiroga |
 }07 Mar 2026XIII Concurso de Bandas Rock in Río Tea JJ Copas - Ponteareas |
 }07 Mar 202607:30PM - Luar na Lubre Centro Cultural Ceina - Santiago de Chile (Chile) |
 }07 Mar 202607:30PM - VI Cantos de Taberna de Baralla Baralla |
 }07 Mar 202608:00PM - O Son da Rebullón Sala Rebullón - O Rebullón, Tameiga (Mos) |