Festivais
O pasado sábado 30 de novembro estivemos no Culturgal, a feira das industrias culturais de referencia na nosa terra. Literatura, teatro, cinema, fotografía, ciencia,... no grande escaparate da produción cultural galega todo ten oco e hai anos que a música ocupa un espazo senlleiro na mostra. Nós andamos pola feira e tivemos tempo de falar con Fran Amil, Xoán Curiel ou Tanxugueiras e mais de ver o showcase dos Dios Ke Te Crew. Aquí vos deixamos o que nos contaron -e o que nos cantaron-, nunha reportaxe de Martin Rodas e Isaac Pazos.
- Visitas: 2487
Outro ano máis, o Armadiña Rock encheu Combarro de cultura. Unha presada de bandas do país co engadido dos bosníacos Dubioza Kolektiv foron o prato forte, nos concertos da noite na praza da Chousa mais o Armadiña é moito máis. Actuacións circenses, faladoiros, obradoiros e actividades para as crianças, música a todas horas e en todos os recantos da fermosa vila mariñeira. E iso que os repunantiños que de sempre volveron facer a súa aparición.
- Visitas: 2363
17 de agosto. Praia de Vilariño, na aldea do mesmo nome da parroquia do Hío. Milleiros de persoas amoréanse na area ao longo de todo o día. Veraneantes? Turistas? Fosdechinchos? Non tal. Ben, algún habería mais a maioría estaba aló para gozar dunha xornada maratoniana de música e troula argallada pola AC O Gato: a 20ª edición da Festa Folc de Vilariño. E, claro, GZmúsica volveu estar alí.
- Visitas: 3065
A chuva e a poalla non paran de nos lembrar que estamos xa no outono. Porén, hai apenas uns días gozabamos do verán festivaleiro polo país adiante. Aínda temos moitas cousas que vos contar daquelas noites de música, bo ambiente e festa. Por exemplo, temos que vos falar do noso paso polo Agrocuir da Ulloa que máis un ano mudou Monterroso na capital das reivindicacións LGTBI+ galegas os pasados 30 e 31 de agosto.
- Visitas: 2271
GZmúsica non parou no verán. Andamos de festival en festival para vos traer todo o que acontece no verán festivaleiro galego. Hoxe, toca unha festa á que nunca foramos nos nosos 8 anos de vida, mais nun lugar que si que visitaramos xa hai uns meses: Couso, na Estrada, ao pé do Ulla. Alí celebrouse o Churrasconcerto hai uns meses e aló, o pasado agosto tivo lugar unha nova edición d'As Nosas Músicas. Velaquí tedes o noso vídeo resumo!!
- Visitas: 2543
Por sétimo ano consecutivo, fomos até Vilaxoán para o Revenidas. 16ª edición, con mudanza de datas e ameaza constante da chuva, que o día antes do comezo do festival estivo moi perto de obrigar á suspensión. Porén, e apesar de que o mal tempo mermou un chisco a asistencia, o Revenidas foi avante e máis unha vez sardiñas, música, circo, mar e praia foron os protagonistas.
- Visitas: 2247
Vindeiros concertos
 }22 Xul 2026Apóstolo 2026 Santiago de Compostela |
 }24 Xul 2026Festas de Santiago de Sargadelos Sargadelos (Cervo) |
 }23 Xul 2026Festas de Taragoña Campo Maneiro - Taragoña (Rianxo) |
 }24 Xul 2026Festas de Vilaño Vilaño (A Laracha) |
 }24 Xul 2026Festas do Santiaguiño Outes Outes |
 }25 Xul 2026Marola Xardíns de Herrea - Ferrol |
 }24 Xul 2026Morriña Fest Porto da Coruña - A Coruña |
 }22 Xul 2026V Mostra de Artesanía e Cultura Tradicional Contorna do Palco da Música - Moaña |
 }25 Xul 2026X Feira 1900 Curtis |
 }25 Xul 2026X Porrigalia O Porriño |