Concertos
O pasado sábado 4 o Aturuxo de Bueu acolleu o que semella o derradeiro acto festivaleiro das Mozas e Mozos de Beluso. A Asociación Cultural que organizou durante anos A Noite do Trasno en cabo Udra e antes a Festa das Mozos e Mozos en Beluso quixo despedirse de toda a xente que gozou dalgunha daquelas máxicas noites de agosto. Trampoline, Xenderal, Furious Monkey House e Camarada Nimoy puxeron a música nunha xornada que comezou xa de mañá e se prolongou até a noitiña.
- Visitas: 7364
Ataque Escampe deu en Compostela, o pasado 19 de xuño, un concerto inesquecible. Foi a presentación en sociedade dos Relatos Americanos pero tamén a despedida de Alex Charlón e incluso a primeira ocasión en Santiago de escoitar ao vivo e en plenitude o Disco Vermello. Ocasión inmellorable para a estrea dun novo colaborador de GZmúsica, o Miguel Duarte. E tamén por vez primeira na nosa web, fotos de Gloria López para nos ilustrar o que deu de si o paso pola Capitol das Ataque Escampe.
- Visitas: 4985
Ler máis: ATAQUE ESCAMPE – SALA CAPITOL (Compostela, 19/06/15)
O pasado venres 12 de xuño os Lavesedo Brothers, parte do núcleo duro do brazo tecnolóxico-social de GZmúsica, cruzaron a ría para ir ao concerto de The Movement e Keltoi na Sala Máster. Primeira visita dos dinamarqueses a Galiza e engadido de última hora dos Keltoi para completar un cartaz que non se podía deixar pasar. Moitas ganas na xente de volver ver os Keltoi na súa cidade e moita curiosidade por uns The Movement de aires clásicos e brutais sobre o escenario.
- Visitas: 4127
Lety GF segue a nos mandar as súas crónicas capitalinas. A nosa compañeira -morrasense coma case todxs nós- anda por Compostela e non perde ocasión de se achegar até algún dos concertos que hai pola capital. Porque malia as poucas miras e moita incultura con que algúns quixeron -e queren- calar a música en Compostela, esta segue. Eis un exemplo, na súa crónica da Festa do dezassete na Gentalha do Pichel, con fotos de Lucía Mallo.
- Visitas: 3078
O Davide Salvado tamén andou a pasada fin de semana polo Festival de Cans. Tocou no Jaliñeiro e alí soaron xa algúns dos temas do seu novo traballo, Lobos, que se publicará o vindeiro 16 de xuño pero do que xa hai tamén algún adianto na rede. Aquí vos deixamos a entrevistas que lle fixemos ao pé de Jaliñeiro e un extracto do seu concerto en Cans.
- Visitas: 4912
Cans viviu a décimo segunda edición do seu Festival de cine. E como vén sendo costume, a música tamén non falta na meca do agroglamour. Moita e moi variada. Reivindicativa, ghamberra e alegre, como ten que ser. Ben sabedes que isto é un webzine musical e non adoitamos meternos na política, mais desta volta non podemos deixar de dicir que gustamos do sopro de ar novo que percorreu Galiza e o Estado este domingo. Así, parvadas como querer sacar tallada da presenza en Cans de Def Con Dos -tras a vergoñenta detención por unhas horas do C. Strawberry por apoloxía do terrorismo- e xuntala coa dos Poetarras para axitar pantasmas e inventar andrómenas quedan reducidas ao que son, parvadas. Soños escuros daquelxs que non entenden a liberdade, a diversidade ou a ironía. Pesadelos que non imos deixar que fagan realidade.
- Visitas: 5395
- Visitas: 3273
Aí vén o maio, de música e troula cuberto. En Salceda, co comezo dos festivais de verán ou en Compostela, coa Feira de Primavera no barrio de San Pedro. Algo ten este bairro, que tanto lle cantan as bandas galegas. Algo terá, que ten poder e lle dá medo aos do concello. Tanto medo, que non lle deron á Asociación de Veciños -organizadora- literalmente, coma ao inimigo, nin auga. Nin luz. Nin nada. Por aló andou Lety GF e despois aínda se achegou ao concerto de Rozalén, no Principal. Eis a crónica de como lle foi nese dous de maio compostelán.
- Visitas: 2904
Ler máis: 2 de Maio en Santiago. Da Feira da Primavera a Rozalén
Vindeiros concertos
 }25 Out 2026A Pedreira + Beautify Junkyards Teatro Colón - A Coruña |
 }25 Out 2026Anxo Araújo Krazzy Kray! - Cambados |
 }25 Out 202610:00AM - VII O Son da Gaita Pazo Besada - Poio |
 }25 Out 202612:00PM - Mercado de Artesanía e Produto Local A Arca da Noe - Vilar de Santos |
 }25 Out 202607:00PM - As Darbukas Dacolá O Adro - Cangas |
 }25 Out 202608:00PM - Sumrrá Casa das Crechas - Santiago de Compostela |
 }28 Out 202610:00PM - Banda das Crechas Casa das Crechas - Santiago de Compostela |
 }30 Out 2026XXI Castañazo Rock Chantada |
 }30 Out 202606:00PM - Pakolas Biblioteca Municipal - Ordes |
 }30 Out 202610:00PM - Lacón sin Jrelos + Satenta + Youcanthide O Adro - Cangas |