Grupos
A banda optou polo micromecenado na plataforma Verkami para o seu novo traballo e están a piques de chegar ao seu obxectivo cando aínda restan 20 días para que remate o prazo do proxecto. Se lles queres botar un cabo nesta nova singradura, bule porque pouc@s patronsiñ@s e oficiais máis van poder enrolarse con eles.
- Visitas: 1756
Ler máis: Os Falperrys a piques de acadar o obxectivo da súa nova abordaxe tabernaria
Despois de 23 anos de andaina, o grupo de gaitas Os Abrentes de Cerdedo pisa un estudio de gravación para deixar recollida de forma dixital unhas pezas do seu repertorio. Publícanse en internet cinco temas, onde tres deles foron gravados neste ano 2017 en Vigo. Con esta gravación, o grupo de gaitas intenta amosar o seu traballo buscando a maior naturalidade nunha gravación realizada nunha tarde de sábado para amosar a súa frescura e espontaneidade.
- Visitas: 1823
Ler máis: Lanzamento da primeira maqueta dos Abrentes de Cerdedo
Este sábado, os cómicos Fran Rei e Isabel Risco visitarán A Coruña, nesta programación do Xacobeo que xa percorreu o Camiño Inglés e o Camiño Fisterra-Muxía, interpretando dous perregrinos no espectáculo Dous no Camiño. Tamén a banda Caxade ha ofrecer un concerto, desta volta en sesión vermú. Caxade e os Dous no Camiño recuperan a parada de Vive o Camiño na Coruña que estaba prevista para setembro, e fora adiada pola choiva, o vindeiro sábado, 14 de outubro.
- Visitas: 1346
Ler máis: Caxade e Dous no Camiño pechan o sábado na Coruña o ciclo Vive o Camiño
A cantautora MJ Pérez presenta o seu terceiro traballo discográfico (primeiro de estudio) na súa vila natal. Será o sábado 30 de setembro, nunha noite do máis especial, na que MJ estará rodeada da súa banda e das colaboracións que participaron neste novo CD.
- Visitas: 1632
Ler máis: MJ Pérez presenta en Arzúa o seu novo disco: Casandra
Celtis Australis, por unha banda o nome científico do lodoeiro e por outra, e literalmente, o celta do sur. Así deu en chamar Pancho Álvarez o quinto disco de estudio do seu proxecto en solitario. Un proxecto que vai construíndo paseniño, nos tempos libres entre xira e xira coa banda de Carlos Núñez e para o que o músico da Louriña volve contar máis unha vez coa colaboración de Suso de Toro, autor de varias das letras do disco, alén dunha extensa listaxe de nomes da escena folk galega. Escoita os 17 temas deste novo disco en que Álvarez deita de novo a súa mestría coas cordas para nos mostrar o seu particular e austral universo celta.
- Visitas: 1959
Ler máis: Publicado 'Celtis Australis', o novo de Pancho Álvarez
A Pousada das Ánimas de Boiro o sábado 6 de maio e Aturuxo de Bueu o domingo 7 serán as dúas primeiras datas dos de Sigüeiro no país despois de xirar por distintos puntos da península. Tanto na súa visita a terras estranxeiras coma nesta volta á casa, Familia Caamagno segue a apresentar os temas do seu último disco editado, Para unha vez que saímos, publicado no 2016.
- Visitas: 2234
Ler máis: Familia Caamagno inicia tempada de concertos no país