Concertos
O sábado 26 de outubro de 2024, no gaztetxe Etxeluze de Orio, xuntáronse dúas bandas vascas e unha galega, Ameba, Odolaren Mintzoa e mais Loita Amada, para volveren convocar baixo as palabras de orde 'Hamaika herri borroka bakarra’, quer dicir, distintos pobos mais a mesma loita, aos seareiros do rock vasco e galego. Igual que hai agora 6 anos, daquela cos Odolaren, Nao e SondaRúa, abrolla este irmanamento entre bandas das dúas nacións. Daquela, a primeira data fora en Compostela. Desta volta, foi Orio, en Euskal Herria onde comezaron os concertos. E GZmúsica estivo alí.
- Visitas: 1279
Ler máis: Distintos pobos, mesma loita. Crónica dunha viaxe a Euskal Herria con Loita Amada
A Orquestra Bravú Xangai apresentou o seu disco de estre, Os saxofóns de occidente, o pasado 2 de marzo de 2024 no Garufa Club da Coruña. E non foi unha presentación calquera, foi unha festa vigocoruñenta, vella idea do Xurxo Souto de irmanamento das dúas grandes cidades do país. Ademais da banda que presentaba o disco, os Vacalouras de Teis puxeron a contraparte sureña da xornada. E o ramo veu coa presentación do videoclip do Gato, canción incluída no disco da Xangai. Feito por xente desta web, o Martín Rodas á dirección e Dani Lavesedo guión, o clip conta a verdadeira historia do Ghato de Vilariño.
- Visitas: 950
A mediados do pasado mes tivemos a oportunidade de ver por primeira vez a verbena das irmandiñas na sala Rebullón de Mos. Xa viramos as catro bandas que a compoñen con anterioridade, pero nunca ate agora xuntas.
- Visitas: 2076
O pasado venres 15 de febreiro a xira presentación do Vol. III de Vudú tivo a cita no Morrazo, concretamente no Salason. Tras tocar o xoves na Clavicémabalo de Lugo, o venres tocaba Cangas para ir comezando a fin de semana. Até alí achegámonos algúns seareiros e algunhas seareiras, mais pese a non conseguir a afluencia que conseguiron na cidade das murallas creouse un ambiente lindo.
- Visitas: 1924
E a roda do muíño segue a moer. Xs convidadxs pasaron pola carpa nas Lagoas en Bueu, para festexar o 15 aniversario da banda do "Bal Miñor", si con B escribían esta rapazada nos anos máis mozos como rebeldía. Rebeldía que non se detén se non que segue a crecer, inspira e xunta a milleiros de persoas ala por onde van. DKR é das bandas galegas que é capaz de pechar calquera festival, pois poden ser as 6 da maña que manteñen o campo da festa cheo.
- Visitas: 2477
Ler máis: Unha noite no muíño non é nada, 15 anos si son muiñada.
Máis unha vez, pasamos o alto da Portela para nos achegar até o Aturuxo de Bueu. Desta volta a razón era o concerto de Malandrómeda, que volvía por terras do Morrazo coa súa flamante banda a nos mostrar como lle aquelaban saxo, teclado e batería aos seus temas. O Xabicas, coma sempre que hai música no Atu, e mais o Lavesedo estiveron aló e armaron esta reportaxe ben curiosa. Non deixes de ler, ver e escoitar o que che traemos até a nosa web!
- Visitas: 2664
Domingo 25 de febreiro deste ano, o cantautor guardés Tino Baz actuou no Salason de Cangas. Antigo membro da Roda -onde entrou por intermediación de Suso Vaamonde- ou do Orfeón Treixadura, o da Guarda deitou un chisco da fermosura das súas creacións na vila do Morrazo. Até alí foi a nosa compañeira S. Murias, acompañada do Nuno, para nos contar e mostrar o concerto.
- Visitas: 2284
O 10 de marzo, Lety GF e Xabicas cruzaron a ría para se achegar até o Rebullón. As do Morrazo non lles temos medo ás cicloxéneses, sobre todo cando da outra banda do mar agardan por nós dúas bandazas como Habelas Hainas e VooDoo. Pequena crónica, fotos e vídeo dos concertos neste artigo.
- Visitas: 2590
Ler máis: Voodoo e Habelas Hainas na Sala Rebullón do centro cultural As Pedriñas.
Vindeiros concertos
 }28 Nov 2025Festas de Santa Catalina Portonovo, Adina (Sanxenxo) |
 }28 Nov 202509:00PM - Uxía Auditorio do Pazo da Cultura - Carballo |
 }28 Nov 202509:00PM - A Pedreira + Faia + Felissa Segade Auditorio do Pazo da Cultura - Pontevedra |
 }28 Nov 202509:30PM - Noxxo O Buril - Sarria |
 }28 Nov 202510:00PM - Foliada en Compostela A Nave de Vidán - Santiago de Compostela |
 }28 Nov 202510:30PM - Furanchology A Arca da Noe - Vilar de Santos |
 }29 Nov 2025A Candeloria Pista Extra Vol.2 Pazo de Feiras e Congresos - Lugo |
| }28 Nov 2025 Festas de Santa Catalina Portonovo, Adina (Sanxenxo) |
 }29 Nov 2025Retrofoliada Torrecino de Cela - Cela (Bueu) |
 }29 Nov 2025XXXV Semana da Música da Terra de Melide Centro Sociocultural Mingos de Pita - Melide |