Grupos
Hoxe MÉRCORES 6 DE MARZO, ás 21:30h, Dakidarría compartirá con tod@s nós o seu novo videoclip, Terra, e farao a través de varios portais musiciais entre os que está GZmúsica. O traballo de Samthing Visual e Dakidarría foi pre-estreado onte na Taberna Marrucho, en Baiona. O desexo do grupo é que o videoclip mostre a súa identidade, o que son, o que defenden, e que mellor forma de facelo que mostrando a súa (e nosa) Terra. Como eles din: "Mostrar o amor pola nosa Terra, inmortalizala tal e como é, tal e como a vemos, a Terra onde nos criamos, onde nos fixemos maiores, crecendo tanto musical como persoalmente, a Terra que fixo do grupo o que é agora e a que nos levou a percorrer tantos e diversos paraxes e a vivir tantas e tantas historias". No interior deste artigo podes ver os 6 vídeos, unha especie de makin-off, gravados durante a rodaxe do videoclip e, -A PARTIR DAS 21:30h-, tamén terás a posibilidade de ver Terra. A nós xa nos tarda!
- Visitas: 3060
Heredeiros da Crus comezan a gravación do seu novo disco, que se publicará antes do verán. O traballo, o noveno na carreira discográfica de Heredeiros, estará producido polo produtor español Juan de Dios Martín, que xa ten traballado con artistas como Amaral, Bunbury, Xoel López ou Barón Rojo. As sesións de gravación comezan esta semana na Coruña, case dez anos despois da última vez que o grupo de Ribeira .pasase polo estudio.
- Visitas: 2115
Ler máis: Heredeiros da Crus comezan a gravación do seu novo disco
Agora si, traballiño nos costou mais xa estamos aquelados para dar o chimpo á TV. Comezamos a emisión o vindeiro venres 8 de marzo, ás doce da noite, co primeiro programa de GZmúsica TV. A nosa disco-tasca particular, un programa sobre a cultura musical galega, con entrevistas, crónicas de concertos e presentacións de novidades discográficas.
Así foi como se fixo este primeiro programa.
E se non a viches aínda, bótalle un ollo á nosa cabeceira.
Cada venres ás 00:00h, -con reposición os domingos ás 23:30h, achegarémosvos as novas da nosa música. E se non podes ver Vía TV, -a TV cobre amplas zonas da provincia de Pontevedra-, non te preocupes. Tamén semanalmente iremos colgando na rede os programas.
- Visitas: 2437
Case en 70 lugares diferentes, -e non só na Galiza, senón tamén en España, Irlanda, Francia ou Arxentina-, as e os músicos tradicionais quixeron homenaxear a nai das nosas letras. Cork, Bos Aires ou Madrid. Pero tamén en Laíño, en Lestrobe ou na rúa Real de Vigo. Aquí tedes o playlist coas 19 formacións que subiron os vídeos. Na web da Fundación Rosalía seguen a actualizar información sobre a homenaxe.
- Visitas: 1861
Xa está dispoñíbel para escoitar e descargar o novo traballo de Terbutalina. Gravado no Estudio A Ponte de T. Ageitos en Roxos (Belgrado) e mesturado en Estudios Mandelson, tamén na Península Balcánica. Deseño de ArinsPunk por cortesía de Contrasurco. O traballo será presentado o vindeiro 7 de marzo na Capitol de Compostela, xunto aos Familia Caamagno. Ademais de a todos eles, Terbutalina non quere deixar de agradecerlle a Conde Roa a súa existencia vital. Sen el, probabelmente non bailariamos o ritmo serbio.
- Visitas: 3228
A Compañía do Ruído lanza unha campaña para está a piques de acadar o financiamento preciso para gravar o seu novo disco, Pensares galegos. O prazo remata a mediados de marzo, pero a banda de Ribeira xa ten achegas que cobren máis do 85% do orzamento previsto para a gravación do traballo. Grazas fundamentalmente á achega da Asociación Anchoa, organizadora da Festa Folk Fin do Camiño de Fisterra, que deste xeito contará coa Compañía no seu cartaz para este ano. No entanto, aínda estás a tempo de lles botar un cabo para completaren a campaña de microfinanciamento.
{fcomment}
- Visitas: 1942
AO VIVO
Fanfarria Taquikardia - Festa da Queimad...
Lisdexia - Domingo de Resurrección
