Grupos
Bolboreta, o proxecto liderado por Lydia Botana, fixo a súa presentación onte na Coruña. Non puidemos estar aló, polo que quedamos coas ganas de coñecer polo miúdo a estrea. Teremos que nos conformar co seu primeiro videoclip, "Nunca choveu". Velaquí o tedes!
- Visitas: 2779
As Ataque Escampe veñen de sacar o segundo videoclip do seu último disco, O disco vermello. Despois de Horas Extra, primeiro videoclip, que forma parte do Ukelele Kit Project, agora veñen de presentar Os problemas crecen. Este segundo video é unha produción d'O longo adeus para Discos da Máquina.
- Visitas: 1933
Bolboreta presenta o seu disco de estrea. A formación liderada pola multiinstrumentista Lydia Botana sairá mañá xoves ao escenario da Sala Garufa da Coruña para nos dar a coñecer o seu debut discográfico. Músicas do mundo, na liña dos temas que xa foi dando a coñecer a coruñesa, con toda a enerxía positiva que transmite en todo o que fai, xa sexa coa súa banda ou nas innumerables colaboración que leva feito nos últimos anos. Ademais, ás 12 da noite do xoves proxectarán no Garufa o seu novo videoclip, producido por Gambeat, membro da formación de Manu Chao.
- Visitas: 1925
En decembro chegará ás librarías o libro-disco Non hai berce coma o colo, un proxecto dirixido polos músicos e mestres Magoia Bodega e Paulo Nogueira. O traballo procura recuperar arrolos tradicionais para as crianzas de hoxe en día. O 7 de decembro, no marco do Culturgal, será presentado este novo proxecto de Kalandraka. Olla o videoclip adianto!
- Visitas: 4777
O 25 de novembro publícase Lúas de outubro e agosto, o novo disco de Guadi Galego. A modo de adianto, chéganos o videoclip de Matriarcas, unha homenaxe ás mulleres para a que Galego se rodea das máis importantes na súa vida. Fermosura e sinxeleza, co cruño que a artista ten posto na súa estrea no 2009, Benzón, ou noutros proxectos, nomeadamente Espido.
- Visitas: 3580
Ler máis: Matriarcas, marabilloso adianto do novo de Guadi Galego
O vindeiro 8 de novembro, Liska! e Superoito irán até Cangas para tocar no Magosto organizado polo CS A Tiradoura. A banda de ska viguesa aproveitará ademais para presentar o seu novo videoclip. E os de Ordes pisarán por vez primeira un escenario do Morrazo. Concerto ás 22:30h, presentación do videoclip ás 21h, e xa desde primeira hora da tarde magosto popular. A entrada do concerto custa 4€. Música e castañas para tod@s este sábado no CS A Tiradoura de Cangas do Morrazo
- Visitas: 1820