Os Destemplados presentan o 29 de novembro o seu primeiro EP. A banda de Cambre levará Fermentando elementos até a Sala Filomatic da Coruña. O traballo tenta reflectir o estilo ecléctico da banda, mais sempre no rego do rock, polo que camiñan desde o rock máis clásico até o grunge. Estarán acompañados polos Hormigón, que farán a súa estrea enriba dos escenarios.

Published: 04 Novembro 2014

Visitas: 2290

Ler máis: Destemplados presentan o seu primeiro EP

Víctor Coyote presenta novo disco, De pueblo y de río (Eureka Records, 2014) no que versiona cancións populares. O traballo foi producido por Pablo Novoa e gravado entre Caminha e Córdoba. O lanzamento do novo traballo do de Tui vén acompañado polo do videoclip do clásico de Amália Rodrigues Havemos de ir a Viana, interpretada con Rita Braga.

Published: 02 Novembro 2014

Visitas: 2075

Ler máis: Víctor Coyote presenta novo disco e novo videoclip

Os decanos do rock feito en galego están de estrea. Os de Cerceda están a piques de apresentar o seu novo disco, o décimo da súa andaina, e ofrécennos como adianto un videoclip, "Cortina", dirixido por Paco Gallego, feito sobre o tema homónimo do novo disco, con letra de Xosé María Díaz Castro. A presentación será o vindeiro mércores 29, en Santiago de Albá, Palas de Rei.

Published: 27 Outubro 2014

Visitas: 2367

Ler máis: Zënzar presenta o seu novo videoclip

A Asociación de Músicos ao Vivo vén de facer público o Premio Honorífico da Música deste ano. Os elixidos foron N.H.U. Grupo de rock progresivo dos 70, que con este premio sae do esquecemento no que caera nos últimos anos. Para alén de ser, -xunto a Goma 2-, unha das primeirísimas formacións de rock en empregar a lingua galega, N.H.U. foron uns adiantados ao seu tempo que gravaron un único disco que hoxe é peza de coleccionista.

Published: 21 Outubro 2014

Visitas: 3413

Ler máis: O Premio Honorífico da Música, para os N.H.U.

Marful despídese. Farao con dous concertos nestes primeiros días de outubro, que porán fin a 14 anos de andaina. Co seu adeus, perdemos unha das formacións máis interesantes da música galega do século XXI. Calidade e innovación que traían aquí e agora vellas músicas para as interpretar dun xeito contemporáneo. Aquí tedes a nota que publicaron na súa web, anunciando a despedida.

Published: 02 Outubro 2014

Visitas: 2155

Ler máis: Marful pon o punto final a súa andaina

Os Transilvanians andaron de xira por Europa adiante. No verán, finais de xullo e comezo de agosto. Dúas semanas intensas que deron para eles visitaren Francia, Alemaña, Holanda, Bélxica e Euskal Herria. Velaquí un excelente documentario que reflicte en 21 minutos o que foi a xira. Concertos, furgo, bo ambiente e a paixón polo ska dun grupo de tolo capaz de se embarcar nunha aventura musical dese calado. E que veñan máis! Ah, e a banda ten novo disco, escoítao no artigo.

Published: 26 Setembro 2014

Visitas: 1833

Ler máis: Documentario da xira europea de Transilvanians...e novo disco!