A banda eonaviega está inmersa nunha xira que os leva hoxe, martes 17, á Casa das Crechas de Compostela. Será ás 20:30h e de balde, presentando o seu novo disco, 'Alorias', que xa soou en Ovieu e na Veiga, en Asturias, e en Ribadeo a pasada fin de semana. 'Alorias' é un EP de 5 temas, onde Os Folkgazais recuncan no seu estilo, inspirado nas primeiras agrupacións que no occidente asturiano e na Mariña de Lugo achegaron os ritmos latinoamericanos aos torreiros das festas. Escoita 'Deixame ir contigo', un adianto do traballo.

Published: 17 Xuño 2014

Visitas: 2272

Ler máis: Os Folkgazais presentan 'Alorias'

Os Diplomáticos de Monte Alto están moi activos neste 2014. Co gallo dos 20 anos do Bravú a banda coruñesa espreguízase e volve apañar os trebellos de facer ruído. Estiveron no Festival de Cans, tocando no Jaliñeiro e presentando novo videoclip. Eis os vídeos que dan proba das dúas cousas. Medra o mar e faino con forza, xuntando Vigo e A Coruña nunha soa cidade atlántica e chegando, case, até o alto do Confurco.

Published: 01 Xuño 2014

Visitas: 3549

Ler máis: Os Diplomáticos celebran o Bravú XX Aniversario

Sacha na Horta, Ulträqäns estrearán disco nas vindeiras semanas. E van subindo adiantos dos seus respectivos traballos á rede. Velaquí a Cona Revolution das Sacha, o instrumental Mepirodáctilo de Ulträqäns. E de Bonus Track, o vídeo da gravación do tema Bye Bye de Chotokoeu en Maastrachit hai agora un ano. A canción entrará no vindeiro disco dos Chotoko, que publicarán aínda dentros duns meses. A beillar, que xa é venres e saíu o sol!!

Published: 23 Mai 2014

Visitas: 2473

Ler máis: 3 adiantos para unha tarde de venres

Raiba e Xardín Desordenado están atrás de 2 novos proxectos na web de micromecenado Verkami. Trátase en ambos os casos do segundo disco das formacións. Raiba quere o apoio para masterizar e editar Versos da Revolta e Xardín Desordenado dedicará o diñeiro á gravación e edición de Aprendendo a ladrar. Desde apenas 4 ouros no caso dos metaleiros Raiba e desde 15 ouros para o combo jazzístico do Xardín Desordenado podes facer a túa achega e axudar a que estes dous interesantes proxectos cheguen a se realizar.

Published: 20 Mai 2014

Visitas: 2298

Ler máis: Raiba e Xardín Desordenado, 2 novos proxectos Verkami

O xoves 8 de maio, o Salón Teatro de Compostela acollerá a presentación do novo disco da Roda. 'Outra volta de roda', onde a histórica formación di volver "á fonte limpa", revisando o pasado para escribir o futuro, versionando 13 coñecidas cancións da música popular. Mentres non lle botamos unha escoita ao disco, podemos ollar o videoclip de A dorniña, unha das voltas de roda da Roda.

Published: 06 Mai 2014

Visitas: 6019

Ler máis: 'Outra volta de roda', novo disco da Roda

LéRIA apresentam o seu quinto single, Colombian High (balada de Liliana e Matthew). O tema está baseado no namoramento real duma colombiana e mais um estadunidense. Escoitem e/ou descarreguem o vício de amor em inglés de LéRIA. Ou o que é o mesmo, El Asco, Joe Seilo e mais Severino Galante. Já está aqui quem vos há de pôr a bailar.

Published: 06 Mai 2014

Visitas: 1630

Ler máis: Colombian High, o vício de amor em inglés de Léria