Grupos
Cun comunicado colgado nas redes sociais, Berrogüetto anuncia a súa disolución despois de 18 anos de andaina. 5 discos e un disco-libro, moitos concertos e o orgullo de levar a música do país polo mundo adiante, queda como bagaxe dun dos grupos senlleiros da música galega e, desde logo, unha das formación máis importantes do folk mundial dos últimos anos. No seu comunicado, que reproducimos integramente no interior deste artigo, adiantan que darán unha pequena xira polas vilas máis importantes do país para se despedir dos e das súas seareiras.
- Visitas: 2565
Borderline 79 son un grupo de metal alternativo da Arousa que vén de presentar o seu proxecto en verkami.com. O obxectivo é ter a posiblidade de editar o seu primeiro disco, o EP 'As raíces da revolta', no que se inclúen boa parte dos temas que veñen tocando ao vivo nos últimos anos. Os arousáns teñen até os primeiros días de marzo para acadaren os 1.000€ precisos para facer a masterización e edición física do traballo.
- Visitas: 3401
Os músicos de Xacobe Martínez Antelo Trío inician o próximo día 1 de febreiro unha xira por diversas localidades españolas. Composicións, interaccións e, sobre todo, grande calidade nas improvisacións no contrabaixo do propio Xacobe Martínez, a batería de Max Gómez e o saxo alto de Rosolino Marinello poderán verse en concertos da xira Girando Por Salas (GPS) e noutros fóra dela ata o día 7 do mesmo mes.
- Visitas: 1506
Ler máis: Xacobe Martínez Antelo Trío entra no circuíto Girando Por Salas
Alá polo ano 2006, A Compañía do Ruído visitaba Catalunya como unha das bandas da delegación galega -xunto aos Tres Trebóns- que participaba na segunda edición da Foliada. Agora, veñen de subir á rede o vídeo do seu concerto íntegro, unha mostra do que pode facer a tripulación comandada polo Capitán Chumeiras. Nel podedes ollar A Compañía coa formación da primeira etapa, que arrasou o país nun par de veráns cheos de concertos inesquecibles, e a súa colección de temas transformados xa en himnos da festa, unha hora da mellor música do país. Si, señora, música galega. Galician Music...xa o sabedes, só existe ruído!
- Visitas: 1615
Ler máis: A Compañía do Ruído, ao vivo en Nou Barris no 2006
A campaña de micromecenado que os Ulträqäns desenvolven en verkami está a 15 7 días de rematar, con case o 90% 100% do obxectivo inicial cuberto. Xa que logo, Ulträqäns gravarán o seu segundo disco. Agora, buscan un novo obxectivo: chegar a 100 mecenas!
- Visitas: 1576
Dakidarría quenta motores para o 2014. Despois do seu paso polo Castañazo Rock en novembro, preséntannos agora o videoclip de '1000 berros' que gravaron ao vivo en Chantada. Sairá o día 16 de xaneiro mais xa subiron á rede un adianto e a cousa promete. Ademais en febreiro comezan en Vigo a segunda xeira de datas de '10 anos da rúa', xira que os levará por todo o estado festexando o décimo aniversario da súa andaina.
- Visitas: 2194