O vindeiro xoves 11 de xuño, ás 21h no Salón Teatro de Compostela, Roberto Sobrado festexa os seus vinte anos facendo cancións coa estrea do seu novo disco.  Para a presentación de "Atlas de Anatomía" contará coa compaña dos REsentidos, aBe Rábade ou O Leo i Arremecághona entre outros. Este novo traballo protagonizou unha exitosa campaña de crowfounding, na que perto de 100 mecenas colaboraron na produción deste concerto-presentación que se ha desenvolver quinta feira en Compostela.

Published: 08 Xuño 2015

Visitas: 4206

Ler máis: Roberto Sobrado presenta o seu "Atlas de Anatomía"

Nao anuncia a súa retirada. Non vai ser de hoxe para mañá, mais semella que a decisión está tomada de vez. Porén, non vos preocupedes, aínda habedes ter seguro a ocasión de volver ver ao vivo aos Nao, pois este verán van estar en moitos dos escenarios festivaleiros do pais. Van ir contándonolo através do documental que estiveron a gravar nos primeiros meses de 2015. O filme vánnolo ir facendo chegar en pequenas doses, concretamente tres, onde nos abren a porta ao interior dunha das bandas máis importantes no noso panorama roqueiro nos últimos 10 anos. Eis o primeiro estalo.

Published: 06 Xuño 2015

Visitas: 3308

O grupo compostelán The Homens dará o día 12 de xuño na Sala Capitol de Santiago de Compostela un único concerto, o primeiro desde a súa marcha dos escenarios hai catro anos. A banda estará acompañada polo grupo de Porto do Son The Lost Omelette Makers. As entradas (a 8 euros a anticipada e 10 na billeteira) poden comprarse xa nos establecementos composteláns Miranda - Cultura para levar e A Reixa Tenda. Ademais, aínda estás a tempo de participar na escolla do repertorio que a banda vai tocar no concerto. Dálle ao link que hai no interior do artigo e fai a túa contribución. Ti pica e eles tocan!!

Published: 01 Xuño 2015

Visitas: 2278

Ler máis: The Homens volven para un único concerto na Capitol

Había tempo que non actualizabamos a nosa sección de música infantil. E sinceramente, non é por falta de novas pois o mundo da música para a rapazada cada vez está máis vivo. Proba disto é a nova banda A Gramola Gominola, que propón un percorrido por distintos xéneros músicais para lles ir mostrando aos e ás máis pequenas a marabillosa diversidade musical que existe. Se tes crianzas e non queres que che toleen a cabesiña cos CantaJuegos tes que seguir lendo!!!

Published: 15 Mai 2015

Visitas: 2510

Ler máis: Para que os pequechos poidan escoller unha gramola chea de gominolas!

Hai cousas que non están ao alcance de todo o mundo. Hai que o asumir, non querer autoenganarse e saber as nosas limitacións. E unha desas cousas que non todo o mundo pode dar feito é a festa do décimo aniversario dos Veraneantes. Avisadx quedas. Se segues a ler este artigo e decides embarcarte na tolería que montan este sábado, falo baixo a túa enteira responsabilidade.

Published: 13 Mai 2015

Visitas: 2593

Ler máis: Os Veraneantes, décimo aniversario

Déixao Andar é o segundo traballo discográfico deste grupo de música tradicional compostelán, e sairá á venda o día da súa presentación, o 16 de maio, na Sala Capitol de Santiago de Compostela. Entrada de balde para ollar unha das bandas tradicionais que máis sorprendeu nos últimos tempos. E seguirá a facelo, pois promete máis sorpresas xa o día da presentación deste novo disco, gravado no estudio A Ponte de Tomás Ageitos.

Published: 12 Mai 2015

Visitas: 3644

Ler máis: Carapaus presenta o vindeiro 16 de maio o seu novo álbum Déixao andar...