Discos
Eladio y los Seres Queridos saldan unha débeda coas cancións da súa infancia co seu novo disco, Cantares, presentado a finais do ano pasado. Un paseo pola banda sonora que soaba nos radiocasettes dos coches da Galiza de hai 40 anos, que permite lembrar ou descubrir xoias da música pop en galego.
- Visitas: 3688
- Visitas: 4057
Ataque Escampe vén de subir ao seu bandcamp o seu novo disco, Primeiros bicos (Discos da Máquina, 2017). Só escoitaramos "Papá Borracho" e "Alan Lomax" e xa deveciamos por darlle unha escoita ao resto do disco, seguro que vós tamén. Aquí o está. Tedes dez días para aprender as letras e ir cantar con elas na presentación do traballo, o 24 deste mes na Capitol de Santiago xunto a Emilio José.
- Visitas: 4129
Labregxs do Tempo dos Sputniks darán na Candeloria o seu penúltimo concerto. A despedida será o 1 de abril, na sala MalaTesta de Compostela. Para as que non imos poder ir até Santiago, o concerto deste sábado na sesión vermú vai ser a derradeira vez de podermos gozar con este trío estraño e marabilloso, no que confluíron durante dez anos estilos musicais e sensibilidades tan diversas como as que poden ter o Leo, Bolboreta e García Mc. Para o consolo só nos vai quedar Libremente, o disco que publicaron o ano pasado.
- Visitas: 4445
Ler máis: Sachando polos regos do hip hop, o punk e a poesía
- Visitas: 3526
O pasado venres 4 de novembro púñase á venda o novo disco de Guadi Galego, O mundo está parado (Fol Música, 2016). Dispoñible para a escoita en plataformas dixitais como Spotify, Deezer ou iTunes, houbo á venda nas tendas unha edición limitada -da que non sabemos se aínda quedan existencias- feita en vinilo+CD e agora a convencional só en CD. Debullamos o marabilloso novo traballo de Galego, que podes escoitar tamén no artigo.
- Visitas: 5165
Acaba o 2016 e aínda temos unha morea de discos de grupos galegos da que vos falar. Eis o que nos pareceu o novo traballo de Linho de Cuco, publicado na primavera deste ano que está a rematar. Os dezaos fan unha viaxe á tradición, mais fuxindo de nostalxias e de cheiros a naftalina para nola apresentar anovada neste seu cuarto traballo. E coma sempre, non quedes coa nosa impresión, bótalle unha escoitada ao disco no artigo e tira as túas conclusións!
- Visitas: 2828
Secho y los invisibles seguen metidos de cheo na pequena xira de presentación de "Xa fai un tempo", o seu disco de estrea. Andaron no mes de novembro pola Coruña, Vigo, Compostela e Melide e van estar en decembro na Arca da Noe en Vilar de Santos e mais na sala A Real de Aguiño. Falámosvos un pouco deste disco e de paso deixámosvolo para que lle peguedes unha escoita.
- Visitas: 2744
Zurrumalla presentou este ano o seu novo traballo, Camiño por ti (Inquedanzas Sonoras, 2016), o segundo paso por un estudio de gravación nos seus xa 16 anos de historia. Cinco anos despois do seu primeiro disco, o duplo O que había…e o que hai (Inquedanzas Sonoras, 2011), onde sintetizaban a andaina do grupos nos seus –na altura- 11 anos de vida, chega a segunda proposta deste sexteto vigués de música tradicional. Dámoslle unha voltiña ao disco e de paso aproveitamos para gozar de volta co videoclip da "Rumba do Titanis", un dos temas incluídos neste seu segundo traballo.
- Visitas: 3498
Onte, 17 de xullo de 2016, fixo 18 anos Filipe Xoán Froilán de Todos os Santos de Marichalar e Borbón. O Froilán, fillo da duquesa de Lugo, Helena de Borbón, e do grande Marichalar. O enfant terrible da terrible monarquía mais para moitas e moitos -do Partido Froilanista- único e lexítimo herdeiro da coroa do reino de Galiza. Para celebrar a maioría de idade -nominal, das súas capacidades e madurez reais non podemos dar constancia-, o Puto Coro do Exército Froilanista presenta a súa estrea discográfica. O seu Black Álbum, un disco mouro que fará as delicias de punks e republicanos mais do que se deben afastar as mentes delicadas, ben pensantes e monárquicas, que tamén as hai. Pasen e escoiten, antes de que algún xuíz ocioso decida prohibilo.
- Visitas: 5533
Ler máis: O Puto Coro do Exército Froilanista presenta o seu Black Álbum
Vindeiros concertos
 }23 Out 202606:00PM - Pakolas Biblioteca Municipal - Negreira |
 }23 Out 202608:00PM - Foliada en Lisboa Centro Galego - Lisboa (Portugal) |
 }24 Out 2026Hugo Guezeta Sala Capitol - Santiago de Compostela |
 }24 Out 2026Minguante O Xandoneto - As Neves |
 }24 Out 202601:00PM - VI Foliada e Cantos de Taberna de Taboada Taboada |
 }24 Out 202605:00PM - As San Lucas. Terras de Encontro Mondoñedo |
 }24 Out 202605:00PM - Pasabodeghas San Miguel de Sarandón (Vedra) |
 }24 Out 202605:00PM - XVII Foliada da Mariña Praza do Concello - Xove |
 }24 Out 202606:00PM - Pakolas Biblioteca Municipal - As Pontes |
 }24 Out 202607:00PM - XIV Ruada de Teixeiro Praza do Pobo - Teixeiro, Curtis (Curtis) |