GZmusica.com - Músicas da Galiza - Noticias Festivais Galicia Música Galiza

Festivais

Até 150 festivais estatais optan nalgunha das categorías dos Premios Fest, que este ano chegan á súa cuarta edición. E Galiza conta con varios festivais entre os candidatos. Desde o Resurrection Fest na categoría de festivais de grande formato até outros como o Arteficial na categoría de pequeno formato, pasando polo Revenidas, Son Rías ou Noroeste en diversos apartados. Ademais, Terbutalina aparece na listaxe de candidatos de Mellor Directo, na que se busca premiar os mellores directos festivaleiros estatais de 2017.

: Published: 05 Outubro 2017; Visitas: 1874

Ler máis: Varios festivais galegos optan aos IV Premios Fest

O Revenidas de Vilaxoán ou históricos do mundo folque coma o Irmandiño de Moeche e a Festa Folc de Vilariño encabezan unha fin de semana en que o país estará ateigado de festivais e concertos. Por volta das 50.000 persoas gozarán da música galega e de figuras internacionais nas distintas propostas programadas, que van desde os festivais multitudinarios até pequenos concertos gratuítos. Velaquí unha pequena guía para non te perderes e saberes escoller a túa opción festivaleira para esta finde.

: Published: 18 Agosto 2017; Visitas: 2843

Ler máis: Finde festivaleira en todo o país

Non é ningún descubrimento o potencial da música do país e se a isto lle sumamos a calidade do audiovisual galego temos traballos que non senten envexa ninguna do que se fai fóra. Aquí vos queda a playlist con todos os videoclips finalistas desta XIV edición.

: Published: 22 Mai 2017; Visitas: 2403

Ler máis: Videoclips a concurso en Cans

O festival terá lugar este venres 31 de marzo en Melide, na Sala A Fundación. O comezo está previsto para as 23:00h, o prezo da entrada é de 4€. Esta iniciativa nace para impulsar e visibilizar o talento emerxente presente en Galicia. Nesta primeira edición o cartel está composto por TikTak Teatro, Ivy Moon, MJ Pérez, ITH e Far Away Place.

: Published: 30 Marzo 2017; Visitas: 2275

Ler máis: O Valse celebra por primeira vez o Festival da Cultura Independente

O 1 de abril preséntase como unha data cargada de concertos no país. O día en que GZmúsica fai 5 anos non sabemos moi ben aínda a que concertos asistiremos pois a proposta é ampla e variada. Unha nova alternativa para ese sábado será o Subsolo Rap Fest que se celebrará en Compostela, ás 21:30h na Sala Moon. Este festival independente que quer ser referencia para a escena underground do rap galego e do resto da península botou a andar en 2009 e chega, con intermitencias, á quinta edición este ano. Este ano poderedes gozar das actuacións de Furnier, Goma2Crew & SUD-AK's -que chegan desde Lugo para facer unha actuación en conxunto- e Ignis Verbis vidos desde Portugal. A festa rematará na Taberna-Pub O'Pozo con DJ Russinha, fundadora do grupo de rap e trap feminista Mulheres na Batida.

: Published: 27 Marzo 2017; Visitas: 2248

Ler máis: Subsolo Rap Fest, 1 de abril en Compostela

Este sábado comeza o IV Concurso de Bandas Rock in Río Tea, ás 00.30h, na sala de concertos JJ Copas. Oito bandas (cinco galegas e tres doutras partes do estado) defenderán sobre o escenario os seus repertorios dende o 4 de febreiro ata o 22 de abril, día da gran final. Os espectadores decidirán co seu voto que grupo pasa en cada fase e cal deles se fai co premio de 1.000 euros máis un lugar do próximo festival Rock in Río Tea.