Grupos
- Visitas: 1489
Seguen os crowfounfings na música galega. Mentres Arrhythmia superan o 50% no seu, Los Jinetes del Trópico presentan o micromecenado para o seu primeiro disco. Entérate de como facelo e colabora coa música galega. Máis vale deixar os cartos na terra que ciscalos polo mundo no Amasón ou no Alisprés.
- Visitas: 1558
Ler máis: Campaña de micromecenado de Los Jinetes del Trópico
A banda da Estrada pecha este sábado 7 de decembro 14 anos de camiño polo rego do rock e o metal en galego. Jasper, Gus, Amós e Torroncho subirán por derradeira vez xuntos a un escenario en Amio, nun concerto con numerosos convidados e tres bandas abrindo unha noite que vai ser histórica. SondaRúa, Rebeliom do Inframundo e Odolaren Mintzoa quecerán o ambiente do Recinto Feiral para dar paso despois ás máis de 3 horas de concerto nas que os Nao repasarán a súa discografía.
- Visitas: 2194
A banda lucense escolle a fórmula do micromecenado para o seu terceiro disco, que verá a luz na primavera do vindeiro ano. Despois de III e II chega, non quedaba outra, I. Primeiro traballo en cuarteto tras a entrada de Miguel Duarte na banda. En apenas 4 días xa están por volta do 40% do seu obxectivo que culminará coa presentación oficial de I o 24 de abril de 2020 na Sala Malatesta de Compostela.
- Visitas: 1459
Ler máis: Arrythmia escolle o Verkami para I, o seu terceiro disco
A xira comeza hoxe en Montevideo e visitará Bos Aires, onde fará dobrete despois de esgotar as entradas do primeiro concerto, Lago Puelo, Bariloche e Córdoba. O músico tamén impartirá aulas maxistrais e obradoiros para diferentes colectividades galegas tanto na Arxentina como no Uruguai. O autor de “The Tambourine Man” xirará acompañado dos irmáns Álvarez, os músicos cos que comparte proxecto xunto coas Adufeiras de Salitre.
- Visitas: 1131
Ler máis: Xabier Díaz inicia xira pola Arxentina e o Uruguai e anuncia novo disco para marzo de 2020
Hai uns anos que o metal galego quedou coxo co parón dos Machina. O tempo pasaba e unha paraxe motivada polas diferentes circunstancias vitais dos seus compoñentes alongábase até facer temer que o que era temporal acabase por ser definitivo. Porén, en apenas unha semana os de Cerceda apresentan unha arroiada de boas novas, comezando pola súa volta. Estabamos a escribir unha nova sobre o seu novo disco e o "Machina Desenchufados e Amighos", un proxecto en acústico co que quixeron festexar o seu regreso á actividade, cando limos o seu nome -xunto a Acidproyect, Aphonnic, Golpe Radikal ou Skontra- nas novas confirmacións do Resurrection Fest 2020. Xa aproveitamos e contámosvolo todo polo miudo... disque volven os Machina.
- Visitas: 1027
Ler máis: Novos vídeos, EP para o 2020 e confirmados no Resu. Disque volven os Machina