Grupos
O portugués Luis Peixoto (Coímbra) e o galego Fernando Barroso (Ferrol) volven traballar xuntos na creación deste proxecto, que verá a luz grazas á colaboración de mecenas que queiran financialo e así obter un exemplar adicado polos artistas, ou incluso disfrutar da súa música en directo cun concerto privado. A peculiariedade de ‘Pop’ é que non será distribuído de manera convencional. Estará ao alcance de aqueles padriños que queiran formar parte da campaña de financiamento. Posteriormente só estará dispoñible nas plataformas dixitais ou ben mediante compra directa aos artistas.
- Visitas: 1791
Atopamos no SermosGaliza unha entrevista a Alonso Caxade e aí enterámonos de que o músico do Cuarteto Caramuxo, PELdeNOz ou da Orquestra Os Modernos comeza un novo proxecto en solitario. Ten xa cinco temas gravados, que irá presentando estes días na rede. A primeira xa a temos aquí, chámase Dança das Moscas. A idea de Caxade é ir subindo á rede os temas aos poucos e ir vendo como reacciona o público. Na súa conta de Facebook irá avisando das novidades deste proxecto. Alicerces na música tradicional e adubíos contemporáneos para un traballo que procura no Copyleft e na difusión polas redes sociais o seu propio camiño. Música galega do século XXI.
- Visitas: 4067
Unha ollada ás orixes do Death Metal galego. Luís E. Froiz e Carlos Pensado codirixen un documental sobre os primeiros anos e as primeiras bandas deste subxénero do metal extremo no país. 2 horas de entrevistas e algunha gravación inédita daqueles tempos. Artigo publicado hoxe no Faro da Cultura. No interior podes ler o artigo e escoitar ademais a nosa colaboración no Planeta Furancho deste martes pasado, falando tamén do Metal.
- Visitas: 2853
Vía a Asociación Músicos ao Vivo enterámonos de que comeza a 3ª edición do GPS. O Instituto de Artes Escénicas y de la Música, INAEM, estatal vén de abrir o prazo para a terceira edición do circuíto de músicas populares Xirando por salas, -GPS, nas súas siglas en español-, que tenta promocionar as músicas actuais. Até 56 bandas estatais, -cun mínimo dun disco editado e un máximo de tres-, serán escollidas para tocar, tanto no seu lugar de orixe como noutras zonas do estado. 200 salas acollerán os case 300 concertos, -5 por grupo-, que buscan afortalar os circuítos de música ao vivo estatais e darlle un pulo á carreira de bandas que medran afastadas do mainstream e a radio fórmula.
- Visitas: 1747
O Marrucho en agosto foi o primeiro concerto dunha xira que os ha levar por varios locais do país. Adiados un par de concertos despois dalgún problema de saúde, -non só nas megabandas pasan estas cousas :)-, xa sabemos como queda finalmente a súa Xira Bruta. As datas todas podedes buscalas escribindo Martelo no noso buscador de concertos ou ben consultando directamente na nosa Axenda. A xira re-comezará este domingo 16 de setembro no Aturuxo de Bueu, a iso das 21:00h.
- Visitas: 2119
AO VIVO
Orquesta Neverloura - Estou na lavadora
Temible Olivina e MC Pumi - Verbas cegas
