Grupos

Despois da existosa xira do regreso do pasado verán, Javi Maneiro, Tuchiño, Fran Velo e Tonhito de Poi seguen a presentar en varias cidades galegas o DVD 20 aniversario publicado en xuño coa gravación íntegra do memorable concerto que os de Ribeira ofreceron o 3 de marzo en Ordes. Os Heredeiros da Crus asinarán exemplares deste DVD e do resto da súa discografía este martes, 11 de decembro, a partir das 20:00 no bar Mercromina de Compostela (rúa de San Pedro,9). O xoves o acto terá lugar ás 21:00 na sala La Iguana, en Vigo (r/Churruca, nº14). Nos dous casos a entrada é de balde até completar aforo. Tanto en Compostela como en Vigo ademais de atender aos fans e aos medios de comunicación, os Heredeiros da Crus ofrecerán un pequeno concerto acústico interpretando en directo algúns dos seus temas máis coñecidos e, se hai sorte, adiantarán algunha novidade sobre o seu próximo disco (o noveno da súa discografía e o primeiro inédito despois de oito anos), que segundo anunciaron hai uns días, publicarán en 2013.

Caxade presenta o terceiro tema do seu proxecto en solitario. Velaquí tedes, aínda quente do forno, o Sr. Xorda!

O Culturgal foi o lugar escollido pola produtora Nordesía e a Fundación Cidade da Cultura para presentaren o proxecto do Womex 2014, que por vez primeira se celebrará en Galiza. No mes de outubro de 2014, Compostela acollerá a feira 'world music' máis importante do mundo. O Womex 2014 terá lugar na Cidade da Cultura (edificio do Museo) polo día e na Cidade Vella pola noite (showcases/concertos).

O mítico grupo de Ribeira atenderá aos medios e aos fans o venres ás 19:00 no Culturgal (Pontevedra) e o sábado ás 19:30 en Marineda City (A Coruña). Fran Velo, Javi Maneiro, Tonhito de Poi e Tucho tocarán algúns dos seus temas máis coñecidos en formato acústico. A banda de rock aproveitará a fin de semana para lles presentar aos seus fans os últimos produtos do merchandising heredeiro, que coma sempre mistura a música, -neste caso o DVD do seu concerto de volta en Ordes-, cos produtos máis kitsch; desta volta, camisola e tanga/calzón a escoller. Nada desvelan polo de agora do seu futuro. Manteñen a incógnita sobre se o vindeiro ano volveremos ter Heredeiros da Crus e non din nada sobre os rumores de que incluso preparan un disco con temas novos.

A Asociación de Gaiteiros Galegos vai celebrar as primeiras Xornadas arredor da Música Tradicional en Lugo os vindeiros 15 e 16 de decembro. As xornadas contarán cun programa que acolle non só especialistas na música de raíz galega, senón tamén expertos nos folclores zamorano, asturiano ou euskaldún. Unha moi boa ocasión para coñecer máis sobre a música de noso, con concertos didácticos, presentacións de libros e relatorios diversos. O prezo da inscrición é de 5€ para @s soci@s de AGG e de 10€ para o resto da xente. Programa completo no interior.

Crecente é o título do álbum de debut da formación Mel de Meiga, o novo proxecto musical de Eva Carreras. A cantante, coñecida por ter participado no programa televisivo Operación Triunfo, vira a súa carreira cara ao folc cun grupo no que conta con antigos músicos de MutenRohi.


AO VIVO

Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.